- વિરોધ કરી રહેલા વિદ્યાર્થીઓની પ્રથમ પસંદગી હતા યુનુસ
- પ્રદર્શનકારીઓએ પણ નેતૃત્વ માટે મોહમ્મદ યુનુસનો પ્રસ્તાવ સ્વીકાર્યો
- 2012માં સ્કોટલેન્ડની ગ્લાસગો યુનિવર્સિટીના ચાન્સેલર પણ રહી ચૂક્યા છે
બાંગ્લાદેશમાં છેલ્લા ઘણા દિવસોથી ચાલી રહેલા રાજકીય ઉથલપાથલ બાદ વચગાળાની સરકારની રચના થવાની છે. નોબેલ પુરસ્કાર વિજેતા મોહમ્મદ યુનુસને બાંગ્લાદેશમાં વચગાળાની સરકારનું નેતૃત્વ કરવા માટે પસંદ કરવામાં આવ્યા છે. દેશના રાષ્ટ્રપતિ મોહમ્મદ શહાબુદ્દીનની અધ્યક્ષતામાં બંગા ભવન (પ્રેસિડેન્ટ હાઉસ) ખાતે એક બેઠક દરમિયાન આ નિર્ણય લેવામાં આવ્યો હતો.
પ્રદર્શનકારીઓએ આ નિર્ણયને સ્વીકાર્યો
વિરોધ કરી રહેલા વિદ્યાર્થીઓએ વચગાળાની સરકારનું નેતૃત્વ કરવાના મોહમ્મદ યુનુસના પ્રસ્તાવને સ્વીકારી લીધો છે. અનામત આંદોલનનું નેતૃત્વ કરતા ગ્રૂપના નેતા અને ત્રણેય સેનાના વડાઓ બેઠકમાં હાજર રહ્યા હતા. ગરીબી સામે લડવામાં તેમના કામ માટે 'ગરીબના બેંકર' તરીકે જાણીતા મોહમ્મદ યુનુસ વચગાળાની સરકારના મુખ્ય સલાહકાર તરીકે વિરોધ કરી રહેલા વિદ્યાર્થીઓની પ્રથમ પસંદગી હતા.
ચિત્તાગોંગ યુનિવર્સિટીમાં અર્થશાસ્ત્ર ભણાવતા
1974માં જ્યારે બાંગ્લાદેશમાં દુકાળ પડ્યો ત્યારે યુનુસ ચિત્તાગોંગ યુનિવર્સિટીમાં અર્થશાસ્ત્ર ભણાવતા હતા. આ દુષ્કાળમાં હજારો લોકો માર્યા ગયા હતા. જયારે લોકોને મદદ કરવાની તક ત્યારે મળી જ્યારે યુનુસ યુનિવર્સિટી નજીકના એક ગામમાં એક મહિલાને મળ્યા, જેણે એક શાહુકાર પાસેથી લોન લીધી હતી. લોન તો ઓછી હતી પણ બદલામાં શાહુકારને નિર્ધારિત કિંમતે કોઈપણ વસ્તુ ખરીદવાનો અધિકાર મળ્યો.
યુનુસે નોબેલ પુરસ્કાર પ્રાપ્ત કરતી વખતે તેમના ભાષણમાં કહ્યું, 'મારા માટે તે ગુલામોની ભરતી કરવાનો એક માર્ગ હતો.' પછી તેમને 42 લોકો મળ્યા, જેમણે શાહુકાર પાસેથી કુલ $27 ઉછીના લીધા હતા અને તેમને પોતાના પૈસા ઉછીના આપ્યા હતા. તેની સફળતાએ તેમને વધુ લોન આપવાની પ્રેરણા આપી. યુનુસે કહ્યું હતું કે, 'લોન આપ્યા બાદ જે પરિણામો મળ્યા તેનાથી હું આશ્ચર્યચકિત થઈ ગયો હતો. દર વખતે ગરીબોએ સમયસર વ્યાજ ચૂકવ્યું.
2006માં નોબેલ પુરસ્કાર મળ્યો
મોહમ્મદ યુનુસનો જન્મ 28 જૂન 1940ના રોજ થયો હતો. તેઓ બાંગ્લાદેશના અર્થશાસ્ત્રી, બેંકર, સામાજિક ઉદ્યોગસાહસિક અને નાગરિક સમાજના નેતા છે. વર્ષ 2006માં તેમણે ગ્રામીણ વિકાસ બેંકની સ્થાપના કરી. 2006માં જ નોબેલ પુરસ્કાર આપવામાં આવ્યો હતો. 2009માં પ્રેસિડેન્શિયલ મેડલ ઓફ ફ્રીડમ અને 2010માં કોંગ્રેસનલ ગોલ્ડ મેડલ એનાયત કરવામાં આવ્યો છે.
ખેડૂતો માટે ગ્રામીણ બેંકની સ્થાપના
યુનુસે 1961 થી 1965 દરમિયાન બાંગ્લાદેશની ચિત્તાગોંગ યુનિવર્સિટીમાંથી અર્થશાસ્ત્રનો અભ્યાસ કર્યો હતો. આ પછી વેન્ડરબિલ્ટ યુનિવર્સિટીમાંથી અર્થશાસ્ત્રમાં પીએચડી કર્યું. આ પછી તેણે ગ્રામીણ બેંકની સ્થાપના કરી અને બાંગ્લાદેશમાં ખેડૂતોને સમૃદ્ધ બનાવવા માટે માઇક્રો લોન શરૂ કરી. તેમણે 2007માં નાગરિક શક્તિ નામનો રાજકીય પક્ષ પણ બનાવ્યો હતો. આ સિવાય તેમને શ્રમ કાયદાના ભંગ બદલ 6 મહિનાની જેલની સજા પણ કરવામાં આવી હતી.
