ખતમ કરાયો ખાલિસ્તાની આતંકી હરદીપ સિંહ નિજ્જર, કેનેડામાં ગોળી મારીને કરાઈ હત્યા

• હરદીપને બે બંદૂકધારીઓએ ગોળી મારી હતી
  
• કેનેડિયન પંજાબ પોલીસે તેના પ્રત્યાર્પણની માંગ કરી હતી
• શીખ નેતા રિપુદમન સિંહની હત્યામાં હરદીપ સિંહનો હાથ હોવાની આશંકા

ખાલિસ્તાની આતંકવાદી હરદીપ સિંહ નિજ્જરને કેનેડામાં ઠાર કરવામાં આવ્યો છે. હરદીપને બે બંદૂકધારીઓએ ગોળી મારી હતી. કેનેડિયન પંજાબ પોલીસે તેના પ્રત્યાર્પણની માંગ કરી હતી કારણ કે તે રાજ્યમાં આતંકવાદના પુનરુત્થાન સાથે સંબંધિત ઘણા કેસોમાં વોન્ટેડ હતો. શીખ નેતા રિપુદમન સિંહની હત્યા પાછળ હરદીપ સિંહનો હાથ હોવાની આશંકા હતી.

કેનેડામાં ગોળી વાગતાં થયું મોત

મળતી માહિતી મુજબ હરદીપ નિજ્જરને કેનેડાના સરેમાં ગોળી વાગી હતી, જે બાદ તેનું મોત થયું હતું. તેઓ કેનેડિયન શીખ સંગઠન શીખ ફોર જસ્ટિસ સાથે જોડાયેલા હતા. તે પંજાબના જલંધર જિલ્લાનો રહેવાસી હતો. હાલમાં ભારતીય તપાસ એજન્સીઓ કેનેડાની તપાસ એજન્સીઓ પાસેથી આ ઘટના અંગે માહિતી એકઠી કરી રહી છે. નિજ્જર છેલ્લા એક વર્ષમાં ભારતીય તપાસ એજન્સીઓ માટે વધુ મોટો માથાનો દુખાવો બની ગયો હતો કારણ કે તેણે લોરેન્સ બિશ્નોઈ ગેંગના ઓપરેટિવ્સને વિદેશમાં લોજિસ્ટિક્સ અને નાણાં આપવાનું શરૂ કર્યું હતું.

Hardeep પર 10 લાખ રૂપિયાનું ઈનામ જાહેર કરાયું હતું

હાલમાં નિજ્જરનું નામ પણ 40 અન્ય આતંકવાદીઓ સાથે ભારત સરકાર દ્વારા જાહેર કરાયેલી યાદીમાં સામેલ હતું. 2022 માં રાષ્ટ્રીય તપાસ એજન્સી (NIA) એ નિજ્જર પર 10 લાખ રૂપિયાનું ઈનામ જાહેર કર્યું હતું કારણ કે તેના પર પંજાબના જલંધરમાં એક હિન્દુ પૂજારીની હત્યાનું કાવતરું ઘડવાનો આરોપ હતો. પુજારીની હત્યાનું કાવતરું ખાલિસ્તાન ટાઈગર ફોર્સ (KTF) દ્વારા ઘડવામાં આવ્યું હતું. કેનેડામાં રહેતા નિજ્જર KTFના વડા હતા. અગાઉ NIAએ પણ ભારત વિરુદ્ધ આતંકવાદી ગતિવિધિઓનું ષડયંત્ર રચવાના મામલામાં નિજ્જર વિરુદ્ધ ચાર્જશીટ દાખલ કરી હતી.