Canada ભણવા જતા વિદ્યાર્થીઓની મુશ્કેલીઓમાં વધારો, ટ્રુડો સરકારે લીધો મહત્વનો નિર્ણય

કેનેડા ભણવા જતા વિદ્યાર્થીઓ માટે હવે કેનેડા જવું હવે વધારે મુશ્કેલ બની શકે છે. હકીકતમાં કેનેડાની સરકારે આ વર્ષે સ્ટુડન્ટ વિઝામાં 35 ટકાનો ઘટાડો કર્યો છે. આનો અર્થ એ થયો કે દર વર્ષે કેનેડાની સરકાર વિદેશી વિદ્યાર્થીઓને પહેલા કરતા 35 ટકા ઓછા વિઝા આપવામાં આવશે.

કેનેડા સરકારે લીધો મોટો નિર્ણય

કેનેડા સરકારનું કહેવું છે કે તે અસ્થાયી નિવાસીઓની સંખ્યા ઘટાડવા પર વિચાર કરી રહી છે, જેના અંતર્ગત આ પગલું લેવામાં આવ્યું છે. કેનેડા સરકારના જણાવ્યા અનુસાર, વિદેશી ઇમિગ્રેશન અર્થતંત્ર માટે ફાયદાકારક છે, પરંતુ જ્યારે કેટલાક ખરાબ તત્વો સિસ્ટમનો દુરુપયોગ કરે છે અને વિદ્યાર્થીઓનું શોષણ કરે છે, ત્યારે આપણે પગલાં લેવા પડશે.

આવતા વર્ષે વધુ 10 ટકાનો ઘટાડો કરવામાં આવશે

કેનેડાના વડા પ્રધાન જસ્ટિન ટ્રુડોએ બુધવારે એક પોસ્ટમાં જણાવ્યું હતું કે, "અમે આ વર્ષે 35 ટકા ઓછી આંતરરાષ્ટ્રીય વિદ્યાર્થી પરમિટ આપી રહ્યા છીએ, અને આવતા વર્ષે વધુ 10 ટકા ઘટાડો કરીશું." ટ્રુડો સરકારના જણાવ્યા અનુસાર, 2025માં 4,37,000 સ્ટડી પરમિટ જારી કરવાનો લક્ષ્યાંક છે, જે 2024માં જારી થનારી 4,85,000 પરમિટ કરતાં 10 ટકા ઓછી છે.

આ નિર્ણય ઘણા ભારતીય વિદ્યાર્થીઓને અસર કરશે

કેનેડા ભારતીય વિદ્યાર્થીઓ માટે સૌથી વધુ પસંદગીના સ્થળોમાંનું એક છે. આવી સ્થિતિમાં, કેનેડા સરકારની આ જાહેરાત કેનેડામાં અભ્યાસ કરવા ઇચ્છતા ઘણા ભારતીય વિદ્યાર્થીઓને અસર કરે તેવી શક્યતા છે. અંદાજિત 4,27,000 ભારતીય વિદ્યાર્થીઓ હાલમાં કેનેડામાં અભ્યાસ કરી રહ્યા છે. વિદેશી કામદારો માટે વર્ક પરમિટ અંગે તેમણે કહ્યું કે અમે અમારા અસ્થાયી નિવાસ કાર્યક્રમને મજબૂત કરવા અને આજના બદલાતા લેન્ડસ્કેપની માંગને પહોંચી વળવા વધુ વ્યાપક ઇમિગ્રેશન પ્રોગ્રામ શરૂ કરવા માટે કામ કરી રહ્યા છીએ.