આજકાલ કેનેડા ભારતીયોની પહેલી પસંદ છે. ભારતના મોટાભાગના વિદ્યાર્થીઓ અભ્યાસ કરવા કેનેડા જવા માંગે છે અને યુવાનો કેનેડાની શ્રેષ્ઠ સંસ્થાઓમાંથી અભ્યાસ કરવાની તક શોધે છે. જ્યારે અભ્યાસ માટે વિદેશ જવાની વાત આવે છે, ત્યારે ભારતીય વિદ્યાર્થીઓ આ લિસ્ટમાં કેનેડાને ટોપ પર રાખે છે. મોટાભાગના વિદ્યાર્થીઓ કેનેડાને પસંદ કરે છે તેના ઘણા કારણો છે.
આજના સમયમાં કેનેડા બેસ્ટ સ્થળ માનવામાં આવે છે. તેનું બીજું મુખ્ય કારણ એ છે કે અહીં જીવનની ગુણવત્તા ઉત્તમ છે પરંતુ છેલ્લા ઘણા મહિનાઓથી કેનેડાની સરકાર ભારતીયોને સતત ઝટકો આપી રહી છે.
એક્સપ્રેસ એન્ટ્રી ઓનલાઈન સિસ્ટમ
તમને જણાવી દઈએ કે વિદેશી વિદ્યાર્થીઓ કે જેમણે ‘ડેઝિગ્નેટેડ લર્નિંગ ઈન્સ્ટિટ્યૂશન’ (DLI)માંથી અભ્યાસ કર્યો છે તેમને કેનેડા એક્સપ્રેસ એન્ટ્રી સિસ્ટમમાં વધારાના પોઈન્ટ મળે છે. એક્સપ્રેસ એન્ટ્રી એ એક ઓનલાઈન સિસ્ટમ છે જે કેનેડામાં કાયમી ધોરણે સ્થળાંતર કરવા માંગતા કુશળ કામદારો માટેની અરજીઓનું સંચાલન કરે છે.
એક્સપ્રેસ એન્ટ્રી એ કાયમી નિવાસ મેળવવા માટે વપરાતી પ્રક્રિયા છે. આના દ્વારા કેનેડાની નાગરિકતાનો માર્ગ પણ ખુલે છે. તમને જણાવી દઈએ કે કેનેડામાં સરળતાથી PR મેળવવા માટે વિદેશી વિદ્યાર્થીઓએ કઈ બાબતોનું ધ્યાન રાખવું જોઈએ.
બદલાતી ઈમિગ્રેશન પોલિસી પર નજર
કેનેડામાં ઈમિગ્રેશન નીતિ સતત બદલાતી રહે છે. વિદેશી વિદ્યાર્થીઓને આપવામાં આવતી સ્ટડી પરમિટની સંખ્યામાં ઘટાડો કરવામાં આવ્યો છે. આવી બાબતો પર ધ્યાન રાખવું ખૂબ જ જરૂરી છે. ભવિષ્યમાં કાયમી રહેઠાણની વિચારણા કરતા ભારતીય વિદ્યાર્થીઓ માટે, વિવિધ કાર્યક્રમો માટે પાત્રતાના માપદંડોને જાણવું મહત્વપૂર્ણ છે.
માગમાં હોય તેવા વ્યવસાયોનો અભ્યાસ કરવો
કેનેડા આવતા ભારતીય વિદ્યાર્થીઓએ હંમેશા ધ્યાનમાં રાખવું જોઈએ કે તેઓ એવા વ્યવસાયો પર ધ્યાન કેન્દ્રિત કરે છે જેની કેનેડામાં સૌથી વધુ માંગ છે. ઉદાહરણ તરીકે, હેલ્થકેર, સાઈન્સ, ટેક્નોલોજી, એન્જિનિયરિંગ, વેપાર, પરિવહન જેવા ક્ષેત્રો સાથે સંબંધિત વ્યવસાયોની સૌથી વધુ માગ છે.
પ્રોવિઝનલ નોમિની પ્રોગ્રામ વિશે રિસર્ચ
ક્યૂબેક અને નુનાવુત સિવાય કેનેડામાં દરેક પ્રાંત અને પ્રદેશ કુશળ કામદારોને આકર્ષવા માટે પ્રોવિઝનલ નોમિની પ્રોગ્રામ (PNP) ચલાવે છે. જો કોઈ વિદ્યાર્થીને લાગે કે તેનો ‘કોમ્પ્રીહેન્સિવ રેન્કિંગ સિસ્ટમ’ (CRS) સ્કોર પૂરતો સારો નથી. અથવા તેમને લાગે છે કે તેઓ કેટેગરી આધારિત ડ્રો માટે લાયકાત મેળવી શકશે નહીં, આવી પરિસ્થિતિમાં તેઓએ તપાસ કરવી જોઈએ કે તેઓ પ્રોવિઝનલ નોમિની પ્રોગ્રામ હેઠળ લાયક છે કે નહીં.
ભાષાઓ સુધારવી
કેનેડામાં અંગ્રેજી સિવાય ફ્રેન્ચ પણ બોલાય છે. આ કારણે જો ભારતીય વિદ્યાર્થી બંને ભાષાઓમાં નિપુણ હોય તો તેની પીઆર પ્રક્રિયા ઝડપી બને છે. ફ્રેન્ચ શીખવું એ ફાયદાકારક સોદો હશે, કારણ કે તેના દ્વારા CRS સ્કોર વધુ વધે છે અને PR મેળવવું સરળ બને છે.
તમામ ડિગ્રીઓનો લાભ
કેનેડામાં PR આપતી વખતે, ઉમેદવારે મેળવેલી ડિગ્રીઓને પણ ધ્યાનમાં લેવામાં આવે છે. એક્સપ્રેસ એન્ટ્રી સિસ્ટમમાં શિક્ષણ માટે પોઈન્ટ્સ પણ ઉપલબ્ધ છે. જો કોઈ વિદ્યાર્થી પાસે એક કરતા વધુ ડિગ્રી હોય તો તે પણ ગણવામાં આવે છે. પરંતુ આ ડિગ્રી કેનેડિયન સરકાર દ્વારા માન્ય હોવી આવશ્યક છે.
Disclaimer: અહીં આપેલી તમામ માહિતી માત્ર જાણકારી માટે છે. સંદેશ ન્યૂઝ તેની પુષ્ટિ કરતું નથી.
