અમેરિકામાં જાણીતા ભરતનાટયમ્ ડાંસર અમરનાથ ઘોષની હત્યાથી ચકચાર

• અમેરિકામાં ભારતીયની હત્યાનો સીલસીલો યથાવત્
  
• મિસૌરીના સેંટ લુઈસમાં ગોળી મારી નૃત્યકારની હત્યા
• આ હુમલા બાદ એશિયન મૂળના લોકોમાં ભયનો માહોલ છે

અમેરિકામાં વધુ એક ભારતીયની ગોળી મારીને હત્યા કરવામાં આવી છે. આ વખતે બદમાશોએ પ્રખ્યાત ભરતનાટ્યમ ડાન્સર અમરનાથ ઘોષની હત્યા કરી નાખી હતી. ઘોષ તેના માતા-પિતાનું એકમાત્ર સંતાન હતા. તેની માતાનું ત્રણ વર્ષ પહેલા અવસાન થયું હતું. તેમના પિતાનું બાળપણમાં જ અવસાન થયું હતું. હેટ ક્રાઇમનો આ કિસ્સો સેન્ટ લુઇસ, મિસૌરીમાં બન્યો હતો. અજાણ્યા હુમલાખોરોએ અંધાધૂંધ ગોળીબાર કરીને હત્યા કરી હતી. આ હુમલા બાદ એશિયન મૂળના લોકોમાં ભયનો માહોલ છે. ઘોષના મૃત્યુના દુઃખદ સમાચાર તેમના મિત્ર અને પ્રખ્યાત ટીવી અભિનેત્રી દેવોલિના ભટ્ટાચારીએ આપ્યા હતા. 'સાથ નિભાના સાથિયા'માં ગોપી બહુના રોલ માટે પ્રખ્યાત દેવોલીનાએ વડાપ્રધાન નરેન્દ્ર મોદી અને વિદેશ મંત્રી એસ જયશંકરને આ મામલે હસ્તક્ષેપ કરવા વિનંતી કરી છે.

 કોણ છે અમરનાથઘોષ?

અમેરિકામાં હેટ ગોળીબારનો ભોગ બનેલા અમરનાથ ઘોષ કોલકાતાના રહેવાસી હતા. તેઓ ચેન્નાઈમાં આર્ટ ટીચર હતા. તેમનું પ્રારંભિક શિક્ષણ અને ઉછેર કોલકાતામાં થયો હતો. તેઓ લોકપ્રિય ભરતનાટ્યમ નૃત્યાંગના હતા. તેણે પીએચડી કર્યું હતું. ઘોષ કલા ક્ષેત્ર કોલેજ ઓફ ફાઈન આર્ટસ અને કુચુપુડી આર્ટ એકેડમી, ચેન્નાઈના ભૂતપૂર્વ વિદ્યાર્થી હતા. તે સેન્ટ લૂઈસની વોશિંગ્ટન યુનિવર્સિટીમાં માસ્ટર ઓફ ફાઈન આર્ટસ (MFA) માટે અભ્યાસ કરી રહ્યો હતો.

કલાકાર ભટ્ટાચારીએ એમ પણ કહ્યું કે કેટલાક મિત્રો તેમના મૃતદેહને લેવા માટે કાયદેસરની કાર્યવાહી કરી રહ્યા છે જેથી તેમના અંતિમ સંસ્કાર થઈ શકે. પરંતુ હજુ સુધી આ અંગે કોઈ અપડેટ પ્રાપ્ત થયું નથી. દરમિયાન, શિકાગોમાં ભારતના કોન્સ્યુલેટ જનરલે ઘોષના પરિવાર અને મિત્રો પ્રત્યે સંવેદના વ્યક્ત કરી અને કહ્યું કે તે આ બાબત પર નજર રાખી રહ્યા છે. ઉલ્લેખનીય છે કે છેલ્લા કેટલાક મહિનાઓથી અમેરિકામાં ભારતીયો પર સતત હુમલા થઈ રહ્યા છે. 1 જાન્યુઆરીથી 1 માર્ચ 2024 સુધી ઘણા ભારતીયોની હત્યા કરવામાં આવી છે.