બ્રિટેનના મહારાણીના માથા પર નહીં શોભે કોહિનૂરનો તાજ? હીરાને લઈને તણાવ વધ્યો

• કોહિનૂર હીરાને લઈને બ્રિટનના રાજવી પરિવારમાં તણાવ વધ્યો
  
• કિંગ જ્યોર્જ ભારત સાથેના સંબંધો બગાડવા માંગતા નથી
• હીરા પરત કરવાની માંગ રાજ્યાભિષેકનો કાર્યક્રમ બદલી શકે છે

બ્રિટનમાં કોહિનૂર હીરાને લઈને નવો વિવાદ ઉભો થયો છે. ક્વિન એલિઝાબેથ IIના અવસાન બાદ આવતા વર્ષે નવા રાણી કેમિલાને તાજ પહેરાવવામાં આવશે. અહેવાલો અનુસાર,"રાજકીય સંવેદનશીલતા" ના કારણે બકિંગહામ પેલેસ કોહિનૂર હીરા પર કોઈ નવો વિવાદ ઇચ્છતો નથી. કારણ કે તેની માલિકી અંગે લાંબા સમયથી ચર્ચા ચાલી રહી છે. તેથી શક્ય છે કે કેમિલાને તેના રાજ્યાભિષેક વખતે કોહિનૂરનો તાજ પહેરાવવામાં આવશે નહીં. અહેવાલો અનુસાર, કોહિનૂર હીરા જેનો ઉદ્દભવ ભારતમાં થયો છે, તે 150 વર્ષથી ક્રાઉન જ્વેલ્સનો એક ભાગ છે. એલિઝાબેથ દ્વિતીયના અવસાન બાદ ફરી એકવાર તેની વાપસીની માંગ ઉઠવા લાગી છે.

અત્યાર સુધી એવું માનવામાં આવતું હતું કે, તે આવતા વર્ષે યોજાનાર ક્વિન કેમિલાના રાજ્યાભિષેક વખતે કોહિનૂર તાજ પહેરી શકે છે. પરંતુ ભારત સાથેના રાજદ્વારી સંબંધો અને સંભવિત વિરોધને કારણે આમાં ફેરફાર થઈ શકે છે. ટેલિગ્રાફ રોયલ ફેમિલીએ એક સ્ત્રોતને ટાંકીને દાવો કર્યો હતો કે, હાલમાં હીરાને લઈને કોઈ વિવાદ થયો ન હતો. પરંતુ રાજવી પરિવારને 'સમય સાથે આગળ વધવાની' સલાહ આપવામાં આવી છે.

હીરાને લઈને રાજવી પરિવારમાં આટલો તણાવ કેમ છે?

અહેવાલ અનુસાર, જવાહરલાલ નેહરુ યુનિવર્સિટીના એસોસિયેટ પ્રોફેસર જ્યોતિ અટવાલે તેનું મહત્વ સમજાવ્યું હતું. તેમણે કહ્યું હતું કે, તે ઉપમહાદ્વીપ પર બ્રિટનની જીતની સૌથી મોટી નિશાની હતી અને 1947માં ભારતની આઝાદી બાદથી તેને પરત લાવવા માટે કોલ કરવામાં આવ્યા છે,તેમણે વધુમાં કહ્યું હતું કે, તે હંમેશા રાજકીય વળતર અને ભારતીય ગૌરવને પાછું લાવવા અને ઇતિહાસના ડાઘ દૂર કરવાના કેન્દ્રમાં રહ્યું છે.

તો પછી રાણી કેમિલા શું પહેરશે?

શાહી પરિવારની અંદરથી આવી રહેલા અહેવાલો અનુસાર, નવા રાજા વર્તમાન સમયમાં આવા મુદ્દાઓ પ્રત્યે અત્યંત સંવેદનશીલ છે અને પેલેસમાં કોહિનૂરને લઈને 'રાજકીય સંવેદનશીલતા'અને ખાસ કરીને ભારતના સંદર્ભમાં ડરનું વાતાવરણ છે. જો ક્વીન કોન્સોર્ટ કોહિનૂર તાજ પહેરતી નથી, તો તેની પાસે રાજ્યાભિષેક દરમિયાન રાણી એલિઝાબેથનો તાજ પહેરવાનો વિકલ્પ છે. આ સૌથી અસરકારક અને સરળ વિકલ્પ છે. આ હીરાને શાહી પરિવારના પુરૂષો માટે શ્રાપિત માનવામાં આવે છે અને એવું માનવામાં આવે છે કે શાહી પરિવારના જે પુરુષ સભ્ય તેને પહેરે છે તેના ખરાબ દિવસો શરૂ થાય છે.