ભારતમાં પ્રકાશના પર્વ એવા દિવાળીનો તહેવાર ખૂબ જ ધામધૂમથી ઉજવવામાં આવી રહ્યો છે. વિશ્વના ઘણા મોટા નેતાઓએ દિવાળીની ઉજવણી કરી છે અને શુભેચ્છાઓ આપી છે. અમેરિકાના રાષ્ટ્રપતિના નિવાસસ્થાને દિવાળીની ઉજવણીએ ખાસ ધ્યાન ખેંચ્યું હતું. વ્હાઈટ હાઉસમાં દિવાળીની ઉજવણી દરમિયાન લશ્કરી બેન્ડે 'ઓમ જય જગદીશ હરે' વગાડ્યું હતું. આ દરમિયાન સાંસ્કૃતિક વિવિધતાનો અનોખો નજારો જોવા મળ્યો હતો.
વ્હાઇટ હાઉસ ખાતે દિવાળીના કાર્યક્રમમાં રાજકારણીઓ, અધિકારીઓ અને કોર્પોરેટ જગતના લગભગ 600 ભારતીય અમેરિકનોએ ભાગ લીધો હતો. આ દરમિયાન બાઈડેને વ્હાઇટ હાઉસના બ્લૂ રૂમમાં દીવો પણ પ્રગટાવ્યો હતો અને બધાને દિવાળીની શુભકામનાઓ પાઠવી હતી.
બ્રિટિશ પીએમએ થાળી સજાવી હતી
ઓસ્ટ્રેલિયાના પીએમ એન્થોની અલ્બેનિસે ઈન્સ્ટાગ્રામ પર એક પોસ્ટ શેર કરીને દિવાળીની શુભેચ્છા પાઠવી છે. તેમની નોંધમાં તેમણે દિવાળીને રોશનીનો તહેવાર ગણાવ્યો હતો અને કહ્યું હતું કે તેને ખુશીથી ઉજવવો જોઈએ.
UK PM કીર સ્ટાર્મરે દિવાળીની ઉજવણી કરતી તસવીર શેર કરી છે. તેમને લખ્યું, યુકેમાં દિવાળીની ઉજવણી કરનારા તમામને ખૂબ ખૂબ અભિનંદન. હું તમને અને તમારા પરિવારને દિવાળીની ખૂબ ખૂબ શુભેચ્છા પાઠવું છું. આ તહેવાર એકસાથે આવવાનો અને અંધકાર પર વિજય મેળવતા પ્રકાશ પર આપણી નજર કેન્દ્રિત કરવાની ક્ષણ છે.
પાકિસ્તાન પીએમે પણ અભિનંદન પાઠવ્યા હતા
પાકિસ્તાનના પીએમ શાહબાઝ શરીફે પણ X પર દિવાળીની શુભેચ્છા પાઠવી છે. તેણે પોતાની પોસ્ટમાં લખ્યું, 'દિવાળીના અવસર પર, પાકિસ્તાન અને દુનિયાભરમાં રહેતા આપણા હિન્દુ સમુદાયને હાર્દિક શુભેચ્છાઓ. પ્રકાશનો આ પર્વ સૌને સુખ, શાંતિ અને સમૃદ્ધિ લાવે તેવી પ્રાર્થના. ચાલો આપણે વિવિધતામાં એકતાની ઉજવણી કરીએ અને આપણા રાષ્ટ્રને મજબૂત બનાવતા બંધનોને મજબૂત કરવાનું ચાલુ રાખીએ.
