Elon Muskના નિર્ણય પર ડોનાલ્ડ ટ્રમ્પનું રિએક્શન, વિદાયના દિવસે કરશે આ કામ..!

એલન મસ્કે અમેરિકાના વહીવટી તંત્રથી અલગ થવાનો નિર્ણય લીધા બાદ અમેરિકાના રાષ્ટ્રપતિ ડોનાલ્ડ ટ્રમ્પે ગુરુવારે બિઝનેસમેન એલોન મસ્કની પ્રશંસા કરી હતી. ટ્રમ્પે કહ્યું કે બંને શુક્રવારે ઓવલ ઓફિસમાં એક પ્રેસ કોન્ફરન્સમાં સાથે દેખાશે. "આજે તેમનો અઁતિમ દિવસ છે," પણ વાસ્તવમાં નહીં, કારણ કે તે હંમેશા આપણી સાથે રહેશે અને ગમે તે રીતે મદદ કરશે." "એલન ખૂબ જ પ્રતિભાશાળી છે!"

વ્હાઈટ હાઉસના પ્રેસ સચિવનું નિવેદન

ગુરુવારે વ્હાઇટ હાઉસે પણ એલોન મસ્કની પ્રશંસા કરતા જણાવ્યું હતું કે, "અમે તેમની સેવા બદલ તેમના આભારી છીએ. વ્હાઇટ હાઉસના પ્રેસ સેક્રેટરી કેરોલિન લેવિટે પ્રેસ કોન્ફરન્સ દરમિયાન જણાવ્યું હતું કે DOGE ને જમીન પર લાવવા બદલ અમે તેમનો આભાર માનીએ છીએ. છેતરપિંડી અને દુરુપયોગ ઘટાડવાના અમારા પ્રયત્નો ચાલુ રહેશે. 

એલન મસ્કનો નિર્ણય

એલોન મસ્કે એક મોટો નિર્ણય લીધો છે અને ડોનાલ્ડ ટ્રમ્પ વહીવટથી પોતાને અલગ કરવાની જાહેરાત કરી છે. સોશિયલ મીડિયા પોસ્ટમાં મસ્કે જણાવ્યું હતું કે સરકારી કર્મચારી તરીકેનો મારો કાર્યકાળ સમાપ્ત થઈ રહ્યો છે, તેથી હું રાષ્ટ્રપતિ ટ્રમ્પનો આભાર માનું છું કે તેમણે અમને નકામા ખર્ચ ઘટાડવાની તક આપી. DOGE મિશન સમય જતાં વધુ મજબૂત બનશે.

મસ્કે શા માટે આ નિર્ણય લીધો?

હાલમાં, એલોન મસ્કના અમેરિકાની સરકારમાંથી બહાર નીકળવા પાછળનું ચોક્કસ કારણ હજુ પણ સ્પષ્ટ નથી, પરંતુ અનેક મોરચાઓથી વધતા દબાણે ભૂમિકા ભજવી છે. સ્પેસએક્સને અનેક નિષ્ફળ લોન્ચનો સામનો કરવો પડ્યો છે, જ્યારે ટેસ્લાના શેરધારકોએ મસ્કને કંપનીને વધુ સમય આપવા વિનંતી કરી છે. હાલમાં એક લોકપ્રિય અમેરિકન માર્કેટિંગ પ્રોફેસર અને ઉદ્યોગસાહસિક સ્કોટ ગેલોવેએ કહ્યું હતું કે એલોન મસ્કે યુએસ સરકાર માટે કામ કરીને બ્રાન્ડને બગાડવાનું પગલું ભર્યું છે. પોડકાસ્ટ 'પીવોટ' પર, સ્કોટે કહ્યું કે મસ્કે પોતાને ખોટા લોકો સાથે જોડી દીધા હતા અને ટેસ્લાના ગ્રાહકોને દૂર કરી દીધા હતા.