ડૂબતા પાકિસ્તાનને ચીનનો સાથ મળ્યો, ડ્રેગને 70 કરોડ ડોલરની મદદ કરી

• કંગાળ થયેલા પાકિસ્તાનને ઉભું કરવા માટે ચીને લોન આપી
  
• ચીને પોતાની બીમાર અર્થવ્યવસ્થાને સુધારવા માટે 70 કરોડ અમેરિકી ડોલરની મદદ કરી
• પાકિસ્તાનના નાણામંત્રી ઈશાક ડારે ચીનને સાચો મિત્ર ગણાવ્યો

કંગાળ થયેલા પાકિસ્તાનને ઉભું કરવા માટે ચીને શુક્રવારે (24 ફેબ્રુઆરી) રાહતના સમાચાર આપ્યા છે. હકીકતમાં લોન માટે ઘણા દેશોમાં ભટક્યા પછી પણ પાકિસ્તાનને ક્યાંયથી મદદ મળી રહી ન હતી. આ દરમિયાન શુક્રવારે અચાનક ચીને પોતાની બીમાર અર્થવ્યવસ્થાને સુધારવા માટે 70 કરોડ અમેરિકી ડોલરની મદદ કરી છે. આ મદદ એવા સમયે કરવામાં આવી છે જ્યારે પાકિસ્તાન પોતાના લોકોને બચાવવા માટે જીવન-મરણ વચ્ચે જોલા ખાઈ રહ્યો હતો.

પાકિસ્તાનના નાણામંત્રી ઈશાક ડાર જેમણે આ અઠવાડિયાની શરૂઆતમાં જાહેરાત કરી હતી કે પાકિસ્તાન ચીન પાસેથી મદદની અપેક્ષા રાખે છે. સોશિયલ મીડિયા પર આ વાતની પુષ્ટિ કરતા ઈશાક ડારે શુક્રવારે કહ્યું હતું કે, ચીને 0 કરોડ અમેરિકી ડોલરની મદદ કરી છે.

ચીનને ગણાવ્યો ગાઢ મિત્ર

ડારે ટ્વીટ દ્વારા જણાવ્યું હતું કે, સ્ટેટ બેંક ઓફ પાકિસ્તાનને આજે ચાઈના ડેવલપમેન્ટ બેંક તરફથી 70 કરોડ ડોલરનું ફંડ મળ્યું છે. આ મદદ પછી પાકિસ્તાનના વડાપ્રધાન શાહબાઝ શરીફે આ "ખાસ મિત્ર"નો આભાર વ્યક્ત કર્યો છે. તેમણે આગળ લખ્યું હતું કે, ચીન પાકિસ્તાનનું સાથી છે. અમે બધા IMF કરારની રાહ જોઈ રહ્યા હતા પરંતુ તે પહેલા ચીને મદદ કરીને સાબિત કરી દીધું છે કે તે પાકિસ્તાનનો સાચો મિત્ર છે. આ બાબતોને ક્યારેય ભૂલી શકાય નહીં.

હવે IMF પાસેથી ઘણી આશાઓ

તેમણે કહ્યું હતું કે પાકિસ્તાન સરકાર નોટબંધીથી બચવા માટે સતત પ્રયાસ કરી રહી છે. અમે IMF પાસેથી આર્થિક પેકેજ મેળવવા માટે સતત પ્રયાસ કરી રહ્યા છીએ. તમને જણાવી દઈએ કે પાકિસ્તાનનો વિદેશી મુદ્રા ભંડાર જે થોડા અઠવાડિયા પહેલા 2.9 અબજ યુએસ ડોલરના નીચા સ્તરે ગયો હતો. તે હવે વધીને 4 અબજ ડોલરની નજીક પહોંચી ગયો છે.