Earthquake: દક્ષિણ ઈરાનમાં ભૂકંપનો ઝટકો, 5.5ની તીવ્રતા નોંધાઈ

દક્ષિણ ઈરાનના વિસ્તારમાં ભૂકંપના જોરદાર મોટા આંચકા અનુભવાયા છે. ભૂકંપની તીવ્રતા રિક્ટર સ્કેલ પર 5.5 માપવામાં આવી છે. જો કે રાહતની વાત એ છે કે ભૂકંપના કારણે કોઈપણ પ્રકારના નુકસાન અંગે અત્યાર સુધી કોઈ જાણકારી સામે આવી નથી. કહેવામાં આવી રહ્યું છે કે ભૂકંપનું કેન્દ્ર જમીનથી 10 કિલોમીટરની ઉંડાઈએ હતું.

ભૂકંપના ઝટકા બાદ વિસ્તારમાં ભયનો માહોલ

ભૂકંપના ઝટકા બાદ વિસ્તારમાં ભયનો માહોલ સર્જાયો છે. રાહતની વાત એ છે કે ભૂકંપના કારણે જાન-માલને કોઈ નુકસાન થયું નથી. હાલમાં જ ઈરાનમાં જ્યારે પણ ભૂકંપના આંચકા અનુભવાયા ત્યારે આખી દુનિયાની નજર તેના પર હતી. કારણ કે ઈઝરાયેલ સાથે તણાવ વચ્ચે એવું માનવામાં આવે છે કે ઈરાન પરમાણુ પરીક્ષણ તો કરી રહ્યું નથી. સામાન્ય રીતે, જ્યારે પરમાણુ પરીક્ષણ થાય છે ત્યારે પણ ભૂકંપના હળવા આંચકા અનુભવાય છે.

શું ઈરાને પરમાણુ પરીક્ષણ કર્યું?

અગાઉ ઓક્ટોબર-નવેમ્બરમાં પણ ઈરાનમાં ભૂકંપના આંચકા અનુભવાયા હતા. પછી ચર્ચા જાગી કે શું ઈરાને પરમાણુ પરીક્ષણ કર્યું છે. જો કે, સોમવારે ભારતમાં ભૂકંપના આંચકા અનુભવાયા હતા. મહારાષ્ટ્રના પાલઘર જિલ્લામાં સોમવારે સવારે 3.7ની તીવ્રતાનો ભૂકંપ આવ્યો હતો. અધિકારીઓએ આ માહિતી આપી હતી. અધિકારીઓએ જણાવ્યું હતું કે કોઈ જાનહાનિ કે સંપત્તિને નુકસાન થયું હોવાના અહેવાલ નથી.