પાકિસ્તાનના પૂર્વ પીએમ ઈમરાન ખાન જેલમાં રહી આ નેતાને પીએમ ઉમેદવાર બનાવશે

• મતદાન થયાના એક અઠવાડિયા બાદ પણ સરકારને લઈ ફાંફા
  
• પાકિસ્તાનમાં બલૂચિસ્તાનમાં ફેર મતગણતરીમાં હિંસામાં બેનાં મોત, 14 ઘાયલ
• ઈમરાન ખાને ઓમર અયુબને પીએમ પદના ઉમેદવાર જાહેર કર્યા

પાકિસ્તાનમાં ચૂંટણીના પરિણામોની અંતિમ જાહેરાત બાદ પણ હજુ સુધી કોઈ પાર્ટી સરકાર બનાવી શકી નથી. પાર્ટી તરીકે નવાઝ શરીફની પીએમએલ-એન સૌથી મોટી પાર્ટી તરીકે 75 બેઠકો મેળવી છે. અત્યાર સુધી નવાઝ સરકાર બનાવવાનો દાવો કરતા હતા. આ પછી તેણે ફરીથી તેમના ભાઈ અને પૂર્વ પીએમ શહેબાઝ શરીફને પીએમ પદના ઉમેદવાર તરીકે પ્રસ્તાવિત કર્યા, પરંતુ સરકાર બનાવવા માટે પૂરતા સમર્થનના અભાવને કારણે બધુ અસ્તવ્યસ્ત છે. આ દરમિયાન ચૂંટણીમાં સૌથી વધુ બેઠકો જીતનાર પૂર્વ પીએમ ઈમરાન ખાને સરકાર બનાવવાની ઈચ્છા વ્યક્ત કરી છે. તેમણે પોતાના સૌથી નજીકના નેતા ઓમર અયુબને પણ પીએમ પદના ઉમેદવાર જાહેર કર્યા છે. ઈમરાનના નેતાઓએ અપક્ષ ઉમેદવાર તરીકે કુલ 101 બેઠકો જીતી છે. પરંતુ તેમને ઓછામાં ઓછા 35 વધુ સાંસદોની જરૂર પડશે.

તમને જણાવી દઈએ કે કાયદાકીય કારણોસર પાકિસ્તાનના પૂર્વ વડાપ્રધાન ઈમરાન ખાનની પાર્ટીએ પોતાના નેતાઓને સ્વતંત્ર ઉમેદવાર તરીકે મેદાનમાં ઉતાર્યા હતા. ઈમરાન ખાન હાલ જેલમાં છે. તેમણે પોતાની પાર્ટીના નેતા ઓમર અયુબને પીએમ પદના ઉમેદવાર બનાવ્યા છે.

ભૂતપૂર્વ વડા પ્રધાન ઇમરાન ખાન દ્વારા સંચાલિત પાકિસ્તાન તહરીક-ઇન્સાફ (પીટીઆઇ) પાર્ટીએ વડા પ્રધાન પદના ઉમેદવાર તરીકે જનરલ સેક્રેટરી ઓમર અયુબનું નામ જાહેર કર્યું છે, રોઇટર્સે અહેવાલ આપ્યો છે. તેમની પાર્ટીના એક નેતાએ ગુરુવારે આ વાતની પુષ્ટિ કરી હતી.

સમીકરણો શું હશે

પાકિસ્તાનની 271 સીટોવાળી નેશનલ એસેમ્બલીમાં સરકાર બનાવવા માટે કોઈપણ પાર્ટીને 136 સીટોની જરૂર હોય છે. પરંતુ ઈમરાનના નેતાઓએ 101 બેઠકો જીતી છે. જોકે, હવે સત્તાવાર રીતે ઈમરાન પાસે માત્ર 92 ઉમેદવારો જ બચ્યા છે. આવી સ્થિતિમાં તેમને સરકાર બનાવવા માટે કોઈ ને કોઈ પક્ષના સમર્થનની જરૂર પડશે. ઈમરાન ખાનની પાર્ટી પીટીઆઈએ આ વખતે પોતાના ઉમેદવારોને અપક્ષ તરીકે ઉભા રાખ્યા હતા, જેનાથી તેઓ સૌથી મોટું જૂથ બની ગયા હતા. આમ છતાં ટેકનિકલી રીતે તેઓ પોતાના દમ પર સરકાર બનાવી શકતા નથી. કારણ કે તેઓ ત્યાં એક પક્ષ તરીકે નથી, પરંતુ વ્યક્તિ તરીકે છે. તમને જણાવી દઈએ કે આ ચૂંટણીમાં પૂર્વ વિદેશ મંત્રી બિલાવલ ભુટ્ટોની પાર્ટીને પણ 54 સીટો મળી છે.