- અંજુએ નસરુલ્લાહ સાથે લગ્ન કર્યા
- અંજુ પતિ અને ફેમેલી સાથે ડિનર કરતી દેખાઈ
- નસરુલ્લાહ મારો કાયદેસર પતિ:અંજુ
મધ્યપ્રદેશના ગ્વાલિયરની રહેવાસી અંજુ થોમસે પાકિસ્તાનમાં પોતાના ફેસબુક ફ્રેન્ડ નસરુલ્લાહ સાથે લગ્ન કર્યા છે. ઇસ્લામ સ્વીકારતા પહેલા તેણે પોતાનું નામ ફાતિમા રાખ્યું હતું. તેણે આ કાનૂની લગ્ન પાડોશી દેશના ખૈબર પખ્તુનખ્વા પ્રાંતના અપર ડીર જિલ્લાની કોર્ટમાં કર્યા હતા. ત્યાર બાદ હવે તે પોતાના પતિ અને ફેમેલી સાથે ડિનર કરતી જોવા મળી છે. અંજુ એ ઇસ્લામ ધર્મ સ્વાકારી લીધો હોય એ વાત ચોક્કસ લાગી રહી છે. કારણ કે હાલમાં અજું નસરુલ્લાહના પરિવાર સાથે બુરખો પહેરીને ડિનર કરતી જોવા મળી રહી છે જેમાં તે સંપૂર્ણ રીતે ઇસ્લામ વેશમાં જોવા મળી રહી છે.
અંજુ બુરખો પહેરીને ખુશીથી ભોજન કરતી જોવા મળી રહી છે તે પોતાના બાળકો અને પરિવારની ચિંતા કર્યા વગર પાકિસ્તાન ચાલી ગઈ હતી. આ કેસમાં દરરોજ નવા-નવા વંળાક સામે આવી રહ્યા છે.
નસરુલ્લાહ મારો કાયદેસર પતિ:અંજુ
સોશિયલ મીડિયા પર વાયરલ થયેલા નિકાહનામાના સોગંદનામામાં અંજુએ કહ્યું છે કે તે પોતાની મરજીથી ઈસ્લામ ધર્મ અંગીકાર કરશે અને નસરુલ્લાહને તેનો કાયદેસર પતિ માને છે.
અંજુની એફિડેવિટમાં લખ્યું છે કે, 'ફાતિમા, દુખ્તર અંજુ પુત્રી જી પ્રસાદ, ફ્લેટ નંબર 704, ટાવર એસ અલવર ટેરા એલિગન્સ ઈન્ડિયા. મારું અગાઉનું નામ અંજુ હતું અને હું ખ્રિસ્તી ધર્મનો હતો. મેં મારી સ્વતંત્ર ઇચ્છાથી ઇસ્લામ સ્વીકાર્યો છે જેમાં કોઈની તરફથી કોઈ જબરદસ્તી સામેલ નથી. હું નસરુલ્લાહને પસંદ કરું છું અને તેના માટે હું મારા દેશ ભારતથી પાકિસ્તાન આવ્યો છું. સાક્ષીઓની સામે મેં નસરુલ્લાહના લગ્ન હક મેહર 10 તોલા સોના સાથે શરિયાહ પદ્ધતિથી કર્યા છે. નસરુલ્લાહ મારા કાયદાકીય પતિ છે. આ મારું નિવેદન છે જે એકદમ સાચું છે. આમાં કશું છુપાયેલું નથી.
ભારતીય મહિલાનું નામ ફાતિમા રાખવામાં આવ્યું
મલાકંદ ડિવિઝનના ડીઆઈજી નાસિર મહમૂદ સત્તીએ પણ અંજુ અને નસરુલ્લાહના લગ્નની પુષ્ટિ કરી હતી અને કહ્યું હતું કે ઇસ્લામ અંગીકાર કર્યા બાદ ભારતીય મહિલાનું નામ ફાતિમા રાખવામાં આવ્યું છે. હકીકતમાં મંગળવારે અંજુ ઉર્ફે ફાતિમાના તેના પાકિસ્તાની પતિ સાથેના ઘણા વીડિયો સોશિયલ મીડિયા પર વાયરલ થયા હતા. ડ્રોન કેમેરા વડે સુંદર ખીણોમાં શૂટ કરાયેલા વીડિયો આ કપલના પ્રી-વેડિંગ શૂટની પુષ્ટિ કરી રહ્યા છે.
હકીકતમાં વાયરલ વીડિયોમાં અંજુ ઉર્ફે ફાતિમા નસરુલ્લાહ સાથે નીલમ, સ્વાત, કાશ્મીર ઘાટી જેવી ખૂબ જ સુંદર જગ્યાઓ પર રોમાન્સ કરતી જોવા મળે છે. અંજુ ઉર્ફે ફાતિમા આ પર્યટન સ્થળોની મુલાકાત લેતી વખતે બુરખો પહેરે છે.
