- અમેરિકા અને ઈઝરાયેલની મિત્રતા ઘણી જૂની
- અમેરિકા ઈઝરાયેલને મોટો ઝટકો આપશે
- કટ્ટરપંથી ઈઝરાયેલી વસાહતીઓ પર વિઝા પ્રતિબંધ લાદશે
અમેરિકા અને ઈઝરાયેલની મિત્રતા ઘણી જૂની છે પરંતુ હવે હમાસ સાથે ચાલી રહેલા યુદ્ધે તેની કસોટી શરૂ કરી દીધી છે. હકીકતમાં અમેરિકા ઈઝરાયેલને મોટો ઝટકો આપવાની તૈયારી કરી રહ્યું છે જેની સીધી અસર ઈઝરાયેલના નાગરિકો પર પડશે. અમેરિકાએ કહ્યું છે કે તે કટ્ટરપંથી ઈઝરાયેલી વસાહતીઓ પર વિઝા પ્રતિબંધ લાદવા જઈ રહ્યું છે. આ એટલા માટે કરવામાં આવશે કારણ કે તેઓએ પેલેસ્ટિનિયનો વિરુદ્ધ હિંસા આચરી છે.
અહેવાલ મુજબ, ઇઝરાયલી સેલ્ટર તે લોકો છે જે પશ્ચિમ કાંઠે રહે છે. ગાઝા સહિત વેસ્ટ બેંક પેલેસ્ટાઈનનો એક ભાગ છે. 1967માં ઇઝરાયેલના કબજા બાદ યહૂદી વસાહતીઓએ પશ્ચિમ કાંઠે રહેવાનું શરૂ કર્યું હતું. આ લોકોએ પેલેસ્ટાઈનની જમીનને ઈઝરાયેલની જમીન ગણાવીને કબજે કરી લીધી છે. કેટલાક યહૂદીઓ પશ્ચિમ કાંઠે રહેવા માટે પણ જાય છે કારણ કે તેઓને ત્યાં ઇઝરાયેલ સરકાર પાસેથી સસ્તી જમીન મળે છે.
બ્લિંકને વિઝા પ્રતિબંધની જાહેરાત કરી
હકીકતમાં અમેરિકાના સેક્રેટરી ઓફ સ્ટેટ એન્ટની બ્લિંકન ઈઝરાયેલના પ્રવાસે છે. અહીં તેઓ વડાપ્રધાન બેન્જામિન નેતન્યાહૂને મળ્યા અને વિઝા પ્રતિબંધ લાદવાની માહિતી આપી હતી. આ સમય દરમિયાન યુદ્ધ કેબિનેટને એ પણ કહેવામાં આવ્યું છે કે આગામી દિવસોમાં ઇઝરાયેલ વસાહતીઓ પર પ્રતિબંધ લાદવામાં આવશે. જોકે, બ્લિંકને એ જણાવ્યું નથી કે પશ્ચિમ કાંઠે રહેતા કેટલા ઇઝરાયેલી વસાહતીઓ પર પેલેસ્ટિનિયનો સામે હિંસા માટે પ્રતિબંધ મૂકવામાં આવશે.
બ્લિંકને કહ્યું છે કે અમેરિકાએ ઈઝરાયલને કહ્યું છે કે અમે આગામી કેટલાક અઠવાડિયામાં અધિકૃત પશ્ચિમ કાંઠે પેલેસ્ટિનિયન નાગરિકો વિરુદ્ધ હિંસામાં સામેલ ઈઝરાયેલી કટ્ટરપંથીઓ પર વિઝા પ્રતિબંધ લાદવા જઈ રહ્યા છીએ.
પશ્ચિમ કાંઠે હિંસા વધી
ઇઝરાયેલ પર હમાસના હુમલા બાદ તેની અસર વેસ્ટ બેંક પર પણ જોવા મળી રહી છે. હાલનાં મહિનાઓમાં પશ્ચિમ કાંઠે પેલેસ્ટિનિયનો સામે હિંસા વધી છે. યહૂદી વસાહતોનો વ્યાપ પણ વધી રહ્યો છે જેના કારણે અહીં પેલેસ્ટાઈનીઓમાં નારાજગી છે. આ જ કારણ છે કે યહૂદી વસાહતીઓ અને પેલેસ્ટિનિયનો વચ્ચે સંઘર્ષ છે.
