નવેમ્બરમાં ઈઝરાયેલ અને હિઝબુલ્લાહ વચ્ચે યુદ્ધવિરામ બાદ ઈઝરાયેલે લેબેનોનની રાજધાની બેરૂત પર ફરી મોટો હુમલો કર્યો છે. બેરૂતમાં એક મોટો વિસ્ફોટ સાંભળવામાં આવ્યો હતો અને ઇઝરાયલી દળોએ જ્યાં હુમલો કર્યો હતો તે વિસ્તારમાંથી ધુમાડાના ગોટેગોટા નીકળતા જોવા મળ્યા હતા. તે જ સમયે, ઇઝરાયેલી સેનાએ હવાઈ હુમલામાં દક્ષિણ લેબેનોનમાં હિઝબુલ્લાહ આતંકવાદીઓના મુખ્યાલયને ઉડાવી દીધું છે. આમાં ઘણા આતંકીઓ માર્યા જવાની પણ આશંકા છે.
હિઝબુલ્લાહના સૈન્ય મથક પરનો આ હુમલો તાજેતરના કલાકોમાં ઇઝરાયેલ દ્વારા કરવામાં આવ્યો છે, જેમાં ઇઝરાયેલની વાયુસેનાના ફાઇટર પ્લેન્સે દક્ષિણ લેબેનોનમાં હિઝબુલ્લાહ આતંકવાદી સંગઠનના મુખ્ય મથક, તેના લશ્કરી ઇન્ફ્રાસ્ટ્રક્ચર, લોન્ચર્સ અને આતંકવાદીઓને નષ્ટ કરી દીધા છે. હમાસ સાથે યુદ્ધવિરામ ભંગ થયા બાદ યુદ્ધે ફરી ભયંકર સ્વરૂપ ધારણ કર્યું હતું. ઇઝરાયલના સંરક્ષણ મંત્રીએ કહ્યું કે, "જો ઇઝરાયેલના નાગરિકોને શાંતિ નહીં મળે તો બેરૂતમાં પણ શાંતિ નહીં હોય." ઈઝરાયલે એ પણ સ્પષ્ટ કર્યું કે તે ઉત્તરીય વિસ્તારોમાં સુરક્ષા સુનિશ્ચિત કરવા માટે વળતી કાર્યવાહી કરવાનું ચાલુ રાખશે.
