ઈરાન અને ઈઝરાયલની સ્થિતિ સામાન્ય થવાનું હજી નામ નથી લઈ રહ્યું. ઈરાને તાજેતરમાં જ ઈઝરાયલ પર 180 મિસાઈલો ઝીંકીને હુમલો કર્યો હતો. ત્યારબાદ હવે ઈઝરાયલે હવે ઈરાનમાં સત્તા પરિવર્તનને પોતાનું ટાર્ગેટ બનાવ્યું છે.
સુરક્ષા કેબિનેટે ઈરાનમાં ઈઝરાયેલના લક્ષ્યોને મંજૂરી આપી દીધી છે. રાષ્ટ્રપતિ નેતન્યાહૂના નેતૃત્વમાં મોડી રાત્રે આ નિર્ણય લેવામાં આવ્યો હતો. જ્યારથી ઈરાને ઈઝરાયલ પર હુમલો કર્યો છે ત્યારથી ઈરાનના સુપ્રીમ લીડર અયાતુલ્લા અલી ખમેની અને તેમની ટીમ ઈઝરાયલના ટાર્ગેટ પર છે.
રાષ્ટ્રપતિ બાઈડેન સાથે મુલાકાત
ઈઝરાયલે ઈરાનના સર્વોચ્ચ નેતા આયાતુલ્લાહ અલી ખામેની અને તેમની ટીમને સત્તા પરથી હટાવવા અને ઈરાનના લોકોને કટ્ટરવાદી શાસનમાંથી મુક્ત કરવાની પ્રતિજ્ઞા લીધી છે. ઈરાનમાં સત્તા પરિવર્તન વિના ઈઝરાયલ પોતાને સુરક્ષિત નથી માનતું. ઈઝરાયલ પહેલા જ અમેરિકા સાથે ઈરાનના શાસનને ઉથલાવવાની વાત કરી ચૂક્યું છે. ઈઝરાયલે 5 કલાકની મેરેથોન બેઠક યોજી અને ત્યારબાદ અમેરિકી રાષ્ટ્રપતિ બાઈડેન અને રાષ્ટ્રપતિ બેન્જામિન નેતન્યાહૂ વચ્ચે 30 મિનિટની વાતચીત થઈ. આ ઉપરાંત અમેરિકાએ ઈરાનના શાસનને ઉથલાવવાની બ્લુપ્રિન્ટ તૈયાર કરી છે જે ઈઝરાયલ માટે ખતરો બની ગઈ છે
ઈરાને ઈઝરાયેલ પર હુમલો કર્યો
ઇઝરાયેલે લેબનોનમાં હિઝબુલ્લાના હેડક્વાર્ટર પર હુમલો કર્યો હતો, જેમાં હિઝબુલ્લાના ચીફ હસન નસરાલ્લાહ માર્યા ગયા હતા. હસન નસરાલ્લાહના મૃત્યુ બાદ ઈરાને 1 ઓક્ટોબરે ઈઝરાયેલ પર હુમલો કર્યો અને ઈઝરાયેલ પર 180થી વધુ મિસાઈલો છોડી હતી.
આ હુમલા બાદ અમેરિકાએ પણ ઈઝરાયેલને સમર્થન આપ્યું હતું અને હુમલાને બિનઅસરકારક ગણાવ્યો હતો. તે જ સમયે, ઇઝરાયલે એવો પણ દાવો કર્યો હતો કે તેની અદ્યતન એર સ્પેસને કારણે ઇરાન દ્વારા છોડવામાં આવેલી મિસાઇલ હવામાં જ નાશ પામી હતી. આ હુમલા બાદ રાષ્ટ્રપતિ નેતન્યાહૂએ કહ્યું હતું કે ઈરાનને તેનું પરિણામ ભોગવવું પડશે અને જે પણ અમારા પર હુમલો કરશે અમે તેના પર હુમલો કરીશું.
