ગાઝામાં ઈઝરાયેલી સેનાના હુમલામાં 90ના મોત,જેમાંથી એક જ પરિવારનાં 76 લોકોનો સમાવેશ

• ઇઝરાયલી હુમલાઓમાં 90થી વધુ પેલેસ્ટિનિયન નાગરિકો માર્યા ગયા
  
  
• ઇઝરાયલી સેનાએ હમાસના લડવૈયાઓની ધરપકડ કરવાનો દાવો કર્યો 
• ગાઝા શહેરમાં થયેલા હુમલામાં અલ-મુગરાબી પરિવારના 76 સભ્યો માર્યા ગયા

ઇઝરાયલી સેનાના હુમલામાં શુક્રવારે ગાઝા પટ્ટીમાં ઓછામાં ઓછા 90 લોકોના મોત થયા છે. જેમાં એક જ પરિવારના 76 લોકોનો પણ સમાવેશ થાય છે. ગાઝા નાગરિક સંરક્ષણ વિભાગના પ્રવક્તા મહમૂદ બસ્સલે શનિવારે આ માહિતી આપી હતી. તેમણે જણાવ્યું હતું કે ગાઝામાં ઈઝરાયેલી સેના દ્વારા બે ઈમારતો પર મોટો હુમલો કરવામાં આવ્યો હતો. આ હુમલાઓમાં 90થી વધુ પેલેસ્ટિનિયન નાગરિકો માર્યા ગયા છે જેમાં મહિલાઓ અને બાળકો પણ સામેલ છે. આ હુમલામાં અલ-મુગરાબી પરિવારના મોટાભાગના લોકો માર્યા ગયા છે.

મહમૂદ બસસલના જણાવ્યા અનુસાર શુક્રવારે થયેલા હવાઈ હુમલામાં બે મકાનો સંપૂર્ણપણે નાશ પામ્યા હતા. જેમાંથી એક ગાઝા શહેરમાં અને બીજો નુસરતના શહેરી વિસ્તારમાં હતો. ગાઝા શહેરમાં થયેલા હુમલામાં અલ-મુગરાબી પરિવારના 76 સભ્યો માર્યા ગયા હતા. મૃતકોમાં યુનાઇટેડ નેશન્સ ડેવલપમેન્ટ પ્રોગ્રામના અનુભવી કર્મચારી ઇસમ મુગરાબી પણ હતા જેઓ તેમની પત્ની અને તેમના પાંચ બાળકો સાથે બિલ્ડિંગમાં રહેતા હતા. તેણે ગાઝા શહેરમાં આ ઈમારત પર શુક્રવારના હુમલાને વર્તમાન યુદ્ધના સૌથી ઘાતક હુમલાઓમાંથી એક ગણાવ્યો હતો.

ઇઝરાયલી સેનાએ હમાસના લડવૈયાઓની ધરપકડ કરવાનો દાવો કર્યો 

આઈડીએફ વતી ઈઝરાયેલી સેનાએ શનિવારે કહ્યું હતું કે તેણે હમાસ સાથે સંકળાયેલા કેટલાય લોકોને પકડવામાં સફળતા મેળવી છે. IDFએ કહ્યું છે કે છેલ્લા એક સપ્તાહમાં હમાસના 200થી વધુ આતંકીઓને પકડીને પૂછપરછ માટે ઈઝરાયેલ લાવવામાં આવશે. IDFનું કહેવું છે કે અત્યાર સુધી આતંકવાદી જૂથો હમાસ અને ઇસ્લામિક જેહાદ સાથે જોડાયેલા 700 થી વધુ લડવૈયાઓની ધરપકડ કરવામાં આવી છે અને તેમને ઇઝરાયેલની જેલમાં મોકલવામાં આવ્યા છે.

ગાઝાના સ્વાસ્થ્ય મંત્રાલયે કહ્યું છે કે ઈઝરાયેલ દ્વારા 7 ઓક્ટોબરથી શરૂ કરવામાં આવેલા યુદ્ધમાં અત્યાર સુધીમાં 20,000થી વધુ પેલેસ્ટિનિયન નાગરિકોના મોત થયા છે. જેમાં અડધાથી વધુ સંખ્યા બાળકો અને મહિલાઓની છે. ગાઝા પટ્ટીમાં પણ મોટી સંખ્યામાં વિસ્થાપન થઈ રહ્યા છે. ગાઝાની અંદાજે 23 લાખની વસ્તીમાંથી 80 ટકાથી વધુ લોકોએ સુરક્ષિત સ્થળોએ આશરો લેવો પડ્યો છે.

તમને જણાવી દઈએ કે ઈઝરાયેલમાં 7 ઓક્ટોબરે હમાસના હુમલા બાદ આ લડાઈ શરૂ થઈ હતી. આ હુમલામાં લગભગ 1200 લોકોના મોત થયા હતા. ત્યારથી ઇઝરાયેલ ગાઝા પટ્ટીમાં સતત બોમ્બ વરસાવી રહ્યું છે. ઈઝરાયેલનું કહેવું છે કે તે હમાસને નિશાન બનાવીને હુમલા કરી રહ્યું છે અને તેને સંપૂર્ણ રીતે નષ્ટ કરીને જ લડાઈ બંધ કરશે.