દુબઈના એક ગામમાં જીનનો આતંક, રાતોરાત ખાલી થઈ ગયું ગામ

• દુબઈના શહેર અલ માડમ પાસે આવેલું છે એક નિર્જન ગામ
  
• આખરે કેમ અચાનક ગામલોકો છોડી ગયા આખું ગામ
• ગામના દરેકે દરેક ઘરમાં હાલ ખડકાયા રેતીના ઢગલા 

દુબઈના હટ્ટા રોડ પર પાસે આવેલ એક નાના શહેર અલ માડમથી લગભગ 2 કિલોમીટર દક્ષિણ-પશ્ચિમમાં એક ગામ ગામ આવેલું છે જે સંપૂર્ણપણે નિર્જન બની ગયું છે. આ નાનકડું ગામ આખરે કેમ અચાનક નિર્જન બની ગયું. એવું તે શું થયું તેના પાછળ અનેક રહાસ્યમયી વાર્તાઓ છે.

દુબઈનો આ રહસ્યમય વિસ્તાર હટ્ટા રોડ પર સ્થિત નાના શહેર અલ માડમથી લગભગ 2 કિલોમીટર દક્ષિણ-પશ્ચિમમાં છે. એક સમયે અહીં અલ કુત્બી જાતિના લોકો વસતા હતા. અહીંયા લોકો રાતોરાત આ ગામ છોડીને પલાયન કરી ગયા. અહીની ભૂતિયા વાર્તાઓ પણ ખાસ્સી પ્રચલિત છે. લોકોનું માનવું છે કે રેતાળ જમીનની નીચે કેટલીક અજીબોગરીબ વસ્તુઓ છે જે તેમના ઘરોમાં ઘૂસી જાય છે.

કહેવામાં આવી રહયું છે કે 2 દશકથી આ સ્થળ વેરાન પડ્યું છે. અમુક વર્ષો પહેલા એક રાત્રે અહીંયા ગામલોકોની સાથે કઈક એવું બન્યું કે તેમણે આખું ગામ છોડી દેવાની ફરજ પડી.

જોકે, હજુ સુધી એ વાત સામે નથી આવી કે લોકોએ આ ગામ કેમ ખાલી કર્યું. ત્યાં એવી વાર્તાઓ પ્રચલિત છે કે એક દુષ્ટ જીને અહીંના લોકોને આ ગામ છોડવા માટે મજબૂર કર્યા છે.

આ ગામ 2 હરોળમાં વહેંચાયેલું છે. ગામના એક છેડે મસ્જિદ આવેલી છે. અહેવાલો અનુસાર, આ ગામ 1970 અથવા 1980 ના દાયકામાં હાઉસિંગ પ્રોજેક્ટ હેઠળ બનાવવામાં આવ્યું હતું. હાલમાં આ ગામના તમામ ઘરોમાં રેતીના ઢગલાઓ ખડકાઈ ગયા છે. કેટલાક લોકોનું માનવું છે કે અહીં રેતીનો જથ્થો વધુ હોવાના કારણે લોકોને ઘર છોડવાની ફરજ પડી હશે. જો કે, સમગ્ર સત્ય શું છે તે હજુ સુધી કોઈ જાણતું નથી.