બાઈડેનને ચીનના રાષ્ટ્રપતિ શી જિનપિંગને 'તાનાશાહ' ગણાવ્યા
ચીનના વિદેશ મંત્રાલયના પ્રવક્તાએ બાઈડેનને 'મૂર્ખ' કહ્યા
જો બાઈડેન 'મૂર્ખતાપૂર્ણ અને બેજવાબદારીભરી' વાત કરી રહ્યા છે

અમેરિકી રાષ્ટ્રપતિ જો બાઈડેનને ચીનના રાષ્ટ્રપતિ શી જિનપિંગને 'તાનાશાહ' ગણાવ્યા છે. ચીને પણ આ અંગે પ્રતિક્રિયા આપી છે. ચીનના વિદેશ મંત્રાલયના પ્રવક્તાએ બાઈડેનને 'મૂર્ખ' કહ્યા છે. ચીને કહ્યું હતું કે જો બાઈડેન 'મૂર્ખતાપૂર્ણ અને બેજવાબદારીભરી' વાત કરી રહ્યા છે. અમેરિકાના વિદેશ મંત્રી એન્ટની બ્લિંકન ચીનના પ્રવાસેથી પરત ફર્યા છે ત્યારે બંને દેશો વચ્ચે શબ્દ-યુદ્ધ શરૂ થઈ ગયું છે.

ચીનના વિદેશ મંત્રાલયના પ્રવક્તા માઓ નિંગે બુધવારે જણાવ્યું હતું કે કેલિફોર્નિયામાં બાઈડેનની ટિપ્પણી સંપૂર્ણપણે તથ્યોની બહાર છે અને રાજદ્વારી પ્રોટોકોલનું ગંભીરપણે ઉલ્લંઘન કરે છે અને ચીનની રાજકીય ગરિમાનું ગંભીરપણે ઉલ્લંઘન કરે છે. ચીને કહ્યું હતું કે બાઈડેનનું નિવેદન ઉશ્કેરણીજનક છે. ચીનના પ્રવક્તાએ કહ્યું હતું કે બાઈડેનનું નિવેદન વાહિયાત અને બેજવાબદારીભર્યું છે.

'જો બાઈડેન મૂર્ખ છે', જિનપિંગને 'તાનાશાહ' કહેતા ચીન ભડક્યું