- ઇન્ડોનેશિયાના પૂર્વ જાવા પ્રાંતમાં 6.0ની તીવ્રતાનો ભૂકંપ
- ભૂકંપનું કેન્દ્ર સમુદ્રની નીચે હોવાનું અનુમાન
- કુદરતી આફતના કારણે કોઈ નુકસાનના સમાચાર નથી
ઇન્ડોનેશિયાના પૂર્વ જાવા પ્રાંતમાં શુક્રવારે 22 માર્ચના રોજ 6.0ની તીવ્રતાનો ભૂકંપ માપવામાં આવ્યો છે. ઈન્ડોનેશિયાની જિયોફિઝિક્સ એજન્સી દ્વારા આ સમાચારની પુષ્ટિ કરવામાં આવી છે. ચીનની ન્યૂઝ એજન્સીના જણાવ્યા અનુસાર, આ ઘટના રાજધાની જકાર્તાના સમય અનુસાર સવારે 11.22 વાગ્યે બની હતી. ભૂકંપનું કેન્દ્ર સમુદ્રની નીચે હોવાનું કહેવાય છે.
મીડિયા અહેવાલ અનુસાર, ભૂકંપનું કેન્દ્ર તુબાન રીજન્સીથી 132 કિમી ઉત્તર-પૂર્વમાં અને 10 કિમીની ઊંડાઈએ હતું. હાલ આ કુદરતી આફતના કારણે કોઈ નુકસાનના સમાચાર નથી.
