Donald Trump Warns Iran: 'પીસ ટોક' વચ્ચે ભડક્યા ડોનાલ્ડ ટ્રમ્પ, તેહરાનને આપી મોટા હુમલાની ધમકી

સ્વિટ્ઝર્લૅન્ડમાં ઈરાન અને અમેરિકા વચ્ચે બેઠક ચાલી રહી છે, ત્યારે ટ્રમ્પે કહ્યુ કે, ઈરાને લેબનોનમાં તેના પ્રોક્સીઓને સમસ્યાઓ ઊભી કરતા અટકાવવું જોઈએ. 

ટ્રમ્પ ફરી રોષમાં 

ડોનાલ્ડ ટ્રમ્પે તેમના સોશિયલ મીડિયા પ્લેટફોર્મ 'ટ્રુથ સોશિયલ' પર લખ્યું કે, જો ઈરાન એવું નહીં કરે, તો અમે તેના પર ફરીથી ખૂબ જ જોરદાર હુમલો કરીશું. બરાબર એવો જ હુમલો જેવો અમે ગયા અઠવાડિયે કર્યો હતો, પરંતુ આ તેનાથી પણ વધુ શક્તિશાળી અને જોરદાર હુમલો હોઇ શકે છે. ટ્રમ્પનું કહેવું છે કે, તેહરાને લેબનાનમાં સક્રિય અને તેમના તરફથી કરોડો ડોલરનું ફંડ મેળવતા પ્રોક્સીઝને તાત્કાલિક અસરથી શાંતિ પ્રક્રિયામાં અવરોધ ઊભો કરતા રોકવા જ પડશે.

શાંતિ વાર્તા તણાવમાં ? 

અમેરિકી રાષ્ટ્રપતિની આ ખુલ્લી ધમકી એવા સમયે આવી છે જ્યારે બંને દેશોના ઉચ્ચ અધિકારીઓ આ મહિને સાઈન કરાયેલા એમઓયુ હેઠળ સ્વિટ્ઝર્લેન્ડમાં મુલાકાત કરી રહ્યા છે. આ એમઓયુ અંતર્ગત પ્રાદેશિક સુરક્ષા, હૉર્મુઝની સમુદ્રધુની, ઈરાન ન્યુક્લિયર પ્રોગ્રામ અને વિવિધ મોરચે સીઝફાયરને લઈને એક વ્યાપક રોડમેપ તૈયાર કરવામાં આવ્યો છે.

વ્હાઇટ હાઉસનું વલણ

આ ડીલ હેઠળ બંને દેશો વચ્ચેના તણાવને કાયમી ધોરણે ખતમ કરવા માટે 60 દિવસ સુધી વાતચીતનો પ્લાન બનાવવામાં આવ્યો છે. સ્વિટ્ઝર્લેન્ડમાં ચાલી રહેલી આ વાટાઘાટો વચ્ચે અમેરિકાના ઉપરાષ્ટ્રપતિ જેડી વેન્સે જણાવ્યું છે કે ટ્રમ્પ પ્રશાસન લેબનાનમાં સીઝફાયર જાળવી રાખવા માટે પોતાના સ્તરે તમામ પ્રયાસો વધારી રહ્યું છે. જો કે, તેમણે સ્વીકાર્યું હતું કે મિડલ ઈસ્ટમાં સ્થિતિ હાલમાં અત્યંત નાજુક અને સંવેદનશીલ બનેલી છે. હવે જોવાનું એ રહેશે કે ટ્રમ્પની આ આકરી ધમકી બાદ સ્વિટ્ઝર્લેન્ડમાં ચાલી રહેલી પીસ ટૉક પર તેની શું અસર પડે છે.

યુએસ અને ઈરાન વચ્ચેની વાતચીત 60 દિવસ ચાલશે 

આ કરારમાં તણાવ ઓછો કરવા અને કાયમી ઉકેલ તરફ આગળ વધવા માટે 60 દિવસની વાટાઘાટોનું આયોજન કરવામાં આવ્યું હતું. સ્વિટ્ઝર્લૅન્ડમાં થયેલી વાટાઘાટો બાદ, યુએસ પ્રમુખ જે.ડી. વાન્સે જણાવ્યું હતું કે ટ્રમ્પ વહીવટીતંત્રે લેબનોનમાં યુદ્ધવિરામ જાળવવા માટે પ્રયાસો વધારી દીધા છે. તેમણે સ્વીકાર્યું કે પરિસ્થિતિ નાજુક રહે છે. 

આ પણ વાંચોઃ અમેરિકા સાથેની 'પીસ ટૉક' વચ્ચે ઈરાનના રાષ્ટ્રપતિની જાહેરાત બની ચર્ચાનું કેન્દ્ર