પાકિસ્તાન સરકારે બિલની ચુકવણી નથી કરી. અને બાદમાં હોટેલ માલિકે નાણાં ચુકવવા પડ્યા હતા.
બિલ મામલે બબાલ
પાકિસ્તાનની રાજધાની ઇસ્લામાબાદમાં 10 થી 12 એપ્રિલ દરમિયાન યોજાયેલી અમેરિકા અને ઈરાન વચ્ચેની વાટાઘાટોએ નવી રાજદ્વારી પહેલની આશા જગાવી છે. પરંતુ એક અનોખા વિવાદે સમગ્ર ઘટના પર પ્રશ્નો ઉભા કર્યા છે. આ વિવાદ કોઈ નીતિ કે કરારને કારણે નહીં, પરંતુ મહેમાનોના રહેવાનો ખર્ચ કોણે ચૂકવ્યો તે અંગે થયો હતો. સરકારે હોટલનું બિલ ચૂકવ્યું ન હતું, જેના કારણે હોટલ માલિકે પોતાના ખિસ્સામાંથી તેનો ખર્ચ ઉઠાવવો પડ્યો હતો. પાકિસ્તાની પત્રકાર હામિદ મીરે એક કાર્યક્રમમાં આ વાતની પુષ્ટિ કરી હતી.
હોટેલ માલિકે બિલ ચૂકવ્યું.
જોકે, આ દાવાની સત્યતા જાણી શકાતી નથી, કારણ કે અન્ય સ્ત્રોતોએ તેને પડકાર ફેંક્યો છે અને અહેવાલને ખોટો ગણાવ્યો છે. પાકિસ્તાને 10 થી 12 એપ્રિલ દરમિયાન યોજાયેલી ઈરાન-અમેરિકા શાંતિ વાટાઘાટોને રાજદ્વારી સફળતા ગણાવી હતી, પરંતુ આ અહેવાલના પ્રકાશન પછી, તેને આંતરરાષ્ટ્રીય અપમાનનો સામનો કરવો પડી રહ્યો છે. આગા ખાન ડેવલપમેન્ટ નેટવર્ક સાથે જોડાયેલા હોટલ માલિકે દરમિયાનગીરી કરીને હોટલનું બિલ ચૂકવવું પડ્યું હતુ. આ ઘટનાક્રમે પાકિસ્તાનની આર્થિક કટોકટીનો પર્દાફાશ કર્યો છે.
અન્ય સૂત્રોએ આ વાતનો ઇનકાર કર્યો.
હોટેલ મેનેજમેન્ટે પાછળથી જણાવ્યું કે, રહેવાની વ્યવસ્થા મફતમાં પૂરી પાડવામાં આવી હતી, અને આગા ખાન ડેવલપમેન્ટ નેટવર્કની માલિકીની સેરેના હોટેલે શાંતિ પ્રયાસોમાં યોગદાન તરીકે પ્રતિનિધિમંડળોનું આયોજન કર્યું હતું. અન્ય સૂત્રોએ નકારી કાઢ્યું કે નેટવર્ક સીધા ખર્ચનો ભોગ બને છે, જેનાથી મૂંઝવણમાં વધારો થાય છે. આ વિવાદ એવા સંવેદનશીલ સમયે ઉભરી આવ્યો છે જ્યારે પાકિસ્તાન આર્થિક દબાણ હેઠળ છે, વર્ષોથી સતત આર્થિક કટોકટીનો સામનો કરી રહ્યું છે અને આંતરરાષ્ટ્રીય નાણાકીય ભંડોળની દેખરેખ હેઠળ છે.
આ પણ વાંચોઃ Iran US Deal: શાંતિ કરાર મામલે Donald Trumpનો ખુલાસો, 48 કલાકમાં યોજાઇ શકે છે બેઠક