2013થી રાષ્ટ્રપતિ પદ સંભાળી રહેલા એર્દોગન અંકારાના સર્વોચ્ચ નેતા બનવાની ઇચ્છા ધરાવે છે.
એર્દોગનનું પ્રાથમિક લક્ષ્ય
તુર્કીના રાષ્ટ્રપતિ એર્દોગન લાંબા સમયથી સરમુખત્યાર બનવા તરફ આગળ વધી રહ્યા છે. આ માટે, એર્દોગન તુર્કીના વિરોધ અને મીડિયાને નબળા બનાવવા માટે સતત કામ કરી રહ્યા છે. એર્દોગને ડોનાલ્ડ ટ્રમ્પ સાથે ફોન પર વાત કરી હતી. આ પછી, તુર્કીમાં ત્રણ મોટા નિર્ણયો લેવામાં આવ્યા હતા. આ નિર્ણયો તુર્કીમાં એર્દોગનની શક્તિને વધુ મજબૂત બનાવશે. તેમણે 2024થી આ પ્રાપ્ત કરવા માટે પોતાના પ્રયાસો શરૂ કરી દીધા છે. એર્દોગનનું પ્રાથમિક લક્ષ્ય તુર્કીમાંથી વિરોધને દૂર કરવાનું છે.
લોકશાહી સાથે શુ છે કનેક્શન ?
જેલમાં બંધ ઇસ્તંબુલના ભૂતપૂર્વ મેયર ઇમોગ્લુના જણાવ્યા મુજબ, એર્દોગન ન્યાયતંત્રની મદદથી વિપક્ષી નેતાઓને પદ પરથી દૂર કરી રહ્યા છે. આ લોકશાહી માટે ખતરો છે. એર્દોગન તેમના દુષ્કૃત્યોની જાહેર તપાસ અટકાવવા માટે જરૂરી કોઈપણ રીતે વિપક્ષને દૂર કરવાનો પ્રયાસ કરી રહ્યા છે. ઇમોગ્લુએ આ મુશ્કેલ સમયમાં તમામ વિપક્ષી નેતાઓને સાથે રહેવા અપીલ કરી હતી. જેલવાસ પહેલાં, ઇમોગ્લુને રાષ્ટ્રપતિ પદ માટે અગ્રણી દાવેદાર માનવામાં આવતા હતા, પરંતુ એર્દોગનના કહેવા પર, તેમની સામે ભ્રષ્ટાચારના આરોપો દાખલ કરી જેલમાં મોકલ્યા હતા.
અન્ય બે નિર્ણયથી ખળભળાટ
ફુગાવા ઘટાડવા અને બજારને સ્થિર કરવા માટે, તુર્કી સરકારે તેના તમામ યુએસ ટ્રેઝરી બોન્ડ વેચી દીધા છે. તુર્કી સરકારે $8 બિલિયનના બોન્ડ વેચી દીધા. અંકારા સેન્ટ્રલ બેંકે બજારની ઉથલપાથલને રોકવા માટે આ નિર્ણય લીધો હતો. ઈરાન યુદ્ધે તુર્કીના અર્થતંત્રને બરબાદ કરી દીધું છે. તુર્કી સરકારે વિલ્ગી યુનિવર્સિટીને પણ બંધ કરવાનો નિર્ણય લીધો છે, જે એર્દોગન વિરુદ્ધ સતત ઝુંબેશનું સ્થળ રહ્યું હતું.
આ પણ વાંચોઃ Umar Khalidને ત્રણ દિવસના શરતી જામીન, માત્ર એક મોબાઈલ રાખવાની મંજૂરી