ડ્રાઇવર ગુલામ બાદશાહને કવર ઉમેદવાર બનાવવામાં આવ્યા છે. જો મુખ્ય ઉમેદવારનુ નામ રદ્દ થાય છે તો ગુલામ સદનમાં જઇ શકે છે.
કવર ઉમેદવાર તરીકે જાહેર
પાકિસ્તાન તહરીક-એ-ઇન્સાફ જેલમાં બંધ ભૂતપૂર્વ વડા પ્રધાન ઇમરાન ખાનની પત્ની બુશરા બીબીના ડ્રાઇવરને સંસદમાં મોકલવાની તૈયારી કરી રહ્યું છે. પાકિસ્તાનમાં પ્રયાસો પહેલાથી જ શરૂ થઈ ગયા છે. ખૈબર પખ્તુનખ્વાના સેનેટર મુરાદ સઈદની બેઠક ખાલી પડી છે. પીટીઆઈ અહીંથી એક વફાદાર સાંસદને મોકલવાની તૈયારી કરી રહ્યું છે. આ હેતુ માટે ત્રણ નામો અધિકૃત કરવામાં આવ્યા છે. જેમાંથી એક બુશરા બીબીના ડ્રાઇવર ગુલામ બાદશાહ છે. બાદશાહ કવર ઉમેદવાર તરીકે ચૂંટણી લડી રહ્યા છે.
ગંભીર ભ્રષ્ટાચારના આરોપો લાગ્યા
બાદશાહ ઉપરાંત, ઇરફાન સલીમ અને સજ્જાદ મોહમ્મદને પણ મેદાનમાં ઉતારવામાં આવ્યા છે. આ ત્રણમાંથી જે પણ ઉમેદવાર તરીકે મંજૂર થશે તે ગૃહમાં ચૂંટાશે. ખૈબરના મુખ્યમંત્રી સોહેલ આફ્રિદીએ ગુલામ બાદશાહના નામની ભલામણ કરી હતી. બુશરા બીબી ઇમરાન ખાનની ત્રીજી પત્ની છે. તેઓએ 2018માં લગ્ન કર્યા હતા. બંને હાલમાં રાવલપિંડીની અદિયાલા જેલમાં બંધ છે. બુશરા અને ઇમરાન સામે ગંભીર ભ્રષ્ટાચારના આરોપો લગાવવામાં આવ્યા છે.
અસિમ મુનીર મુખ્ય કારણ
અસિમ મુનીર તેમની જેલનું મુખ્ય કારણ છે. ઇમરાન અને આર્મી ચીફ મુનીર વચ્ચે લાંબા સમયથી ઝઘડો ચાલી રહ્યો છે. ગુલામ બાદશાહ લાંબા સમયથી બુશરાના ડ્રાઇવર રહ્યા છે. હવે, વફાદારીના કારણે, ગુલામનું નામ આગળ મૂકવામાં આવ્યું છે. ગુલામ સેનેટર બનશે કે નહીં તે ચૂંટણી પંચ પર નિર્ભર રહેશે. પાકિસ્તાનમાં, સેનેટરની ચૂંટણીઓ રાજ્ય વિધાનસભા દ્વારા કરવામાં આવે છે.
ઇમરાન ખાન અને બુશરા ખાન 2023થી જેલમાં
ઇમરાન ખાન, તેમની પત્ની સાથે, 2023થી જેલમાં છે. ઇમરાન ખાન તાજેતરમાં એક પત્ર લખ્યો હતો. જેમાં તેમણે ન્યાયતંત્ર પર નિશાન સાધ્યું હતું. પોતાની નિર્દોષતાનો દાવો કરતા, ઇમરાને ચુકાદા આપવામાં ન્યાયાધીશોના વિલંબની ટીકા કરી હતી. ઇમરાન ખાને જણાવ્યું હતું કે, ન્યાયાધીશો જાણી જોઈને તેમને ન્યાય આપવાનો ઇનકાર કરી રહ્યા છે. ઇમરાન ખાનનો કેસ આંતરરાષ્ટ્રીય સ્તરે પણ ઉઠાવવામાં આવ્યો છે. બ્રિટિશ સંસદે ઇમરાન ખાનના કેસ પર ચર્ચા કરી છે. જોકે, ઇમરાનને અત્યાર સુધી કોઈ રાહત મળી નથી.
આ પણ વાંચોઃ Lungsમાં પાણી ભરાઇ જવુ એ કેટલું ખતરનાક, જાણો શું કહે છે નિષ્ણાતો?