Americaનું બેવડું વલણ આવ્યુ સામે, વેનેઝુએલાના રાષ્ટ્રપતિ નિકોલસ માદુરો નાર્કો આતંકવાદી, Pakistanના આતંક સામે US ચુપ !

અમેરિકાએ વેનેઝુએલાના રાષ્ટ્રપતિ નિકોલસ માદુરોને નાર્કો આતંકવાદી ગણાવ્યા છે. પરંતુ પાકિસ્તાનના આતંકવાદીઓ પર ચુપ્પી સાધી છે. હિઝબુલ મુજાહિદ્દીન અને જૈશ-એ-મોહમ્મદ જેવા આતંકવાદી સંગઠનો ત્યાં ખીલી રહ્યા છે. અને દુનિયામાં આતંક ફેલાવી રહ્યા છે.

અમેરિકાનું બેવડું ધોરણ

અમેરિકાએ વેનેઝુએલાના રાષ્ટ્રપતિ નિકોલસ માદુરોને નાર્કો આતંકવાદી ગણાવ્યા છે અને તેમને ડ્રગ કાર્ટેલના વડા પણ ગણાવ્યા છે. અમેરિકાના વિદેશ મંત્રી માર્કો રુબિયોએ 'X' પર પોસ્ટ કરી હતી અને કહ્યું હતુ કે, માદુરો વેનેઝુએલાના રાષ્ટ્રપતિ નથી અને તેમનું શાસન કાયદેસર સરકાર નથી. માદુરો કાર્ટેલ ડે લોસ સોલ્સના વડા છે. જે એક નાર્કો-ટેરરિસ્ટ સંગઠન છે. જેણે એક દેશ પર કબજો જમાવ્યો છે. અને તેઓ યુનાઇટેડ સ્ટેટ્સમાં ડ્રગ્સ મોકલવાના કેસનો સામનો કરી રહ્યા છે. પરંતુ અમેરિકાનું આ બેવડું ધોરણ કોઈને ગમતું નથી. એક તરફ, તે માદુરો પર હુમલો કરી રહ્યું છે. જ્યારે બીજી તરફ, તે આતંકવાદીઓને આશ્રય આપનારા પાકિસ્તાન પર મૌન સેવી રહ્યુ છે.

આતંકનો આશ્રયદાતા પાકિસ્તાન

હિઝબુલ મુજાહિદ્દીન અને જૈશ-એ-મોહમ્મદ જેવા આતંકવાદી સંગઠનો પાકિસ્તાન સરકાર અને તેની સેનાના આશ્રય હેઠળ ખીલી રહ્યા છે. પરંતુ અમેરિકા દ્વારા તેમના માટે કંઈ કરવામાં આવી રહ્યું નથી. હાફિઝ સઈદ હોય કે મસૂદ અઝહર બધા ભયાનક આતંકવાદીઓ પાકિસ્તાનમાં સારો સમય પસાર કરી રહ્યા છે. પરંતુ ડોનાલ્ડ ટ્રમ્પની સરકાર કોઈ કાર્યવાહી કરી રહી નથી. આવી સ્થિતિમાં, એ પ્રશ્ન ઉભો થવો સ્વાભાવિક છે કે તમામ પ્રકારના આતંકવાદ અંગે અમેરિકાનું આ બેવડું ધોરણ કેટલી હદ સુધી વાજબી છે?