ડોનાલ્ડ ટ્રમ્પે ઇઝરાયલી પીએમ નેતન્યાહૂના તુર્કીને યુએસ F-35 ફાઇટર જેટના વેચાણના વિરોધને સ્પષ્ટપણે નકારી કાઢ્યો છે.
નેતન્યાહૂની વોશિંગ્ટનમાં વાતચીત
રાષ્ટ્રપતિ ડોનાલ્ડ ટ્રમ્પની ટિપ્પણીઓ ત્યારે આવી જ્યારે નેતન્યાહૂ ટ્રમ્પ સાથે ઉચ્ચ સ્તરીય વાતચીત માટે વોશિંગ્ટન પહોંચ્યા હતા. પ્રાદેશિક સુરક્ષા અને ઈરાન સાથે ચાલી રહેલ સંઘર્ષ બંને નેતાઓ વચ્ચેની બેઠક માટે મુખ્ય એજન્ડા હશે. આ મહિનાની શરૂઆતમાં પીએમ નેતન્યાહૂએ તુર્કીને યુએસ F-35 સ્ટીલ્થ ફાઇટર જેટના સંભવિત વેચાણનો સખત વિરોધ કર્યો હતો. તેમણે ચેતવણી પણ આપી હતી કે આવા પગલાથી પ્રાદેશિક શક્તિ સંતુલન બદલાશે.
નેતન્યાહૂ આ સોદાનો વિરોધ કેમ ?
તુર્કીના રાષ્ટ્રપતિ રેસેપ તૈયપ એર્દોગનનો ઉલ્લેખ કરતા, તેમણે કહ્યું કે, અંકારામાં મુસ્લિમ બ્રધરહુડથી પ્રભાવિત સરકાર છે અને તે યુનાઇટેડ સ્ટેટ્સને નફરત કરે છે. ઇઝરાયલી પીએમે કહ્યું, તે અમેરિકા માટે આદર્શ સાથી પણ નથી. તેમણે કહ્યું કે, તે મારા દેશ, એકમાત્ર યહૂદી દેશનો નાશ કરવાની ધમકી આપી રહ્યું છે. નેતન્યાહૂએ ચેતવણી પણ આપી હતી કે, તુર્કીને આ વિમાનો આપવાથી આ ક્ષેત્રમાં ગંભીર પરિણામો આવી શકે છે.
તુર્કી આપણા પ્રત્યે વધુ વફાદાર: ટ્રમ્પ
રાષ્ટ્રપતિ ડોનાલ્ડ ટ્રમ્પે કહ્યું હતું કે, તેમનો વહીવટ ટૂંક સમયમાં કોંગ્રેસ દ્વારા પ્રતિબંધ છતાં તુર્કીને F-35 ફાઇટર જેટ વેચવા કે નહીં તે નક્કી કરશે. તેમણે એવી પણ જાહેરાત કરી હતી કે રશિયન S-400 હવાઈ સંરક્ષણ પ્રણાલીની અંકારાની ખરીદી પર લાદવામાં આવેલા પ્રતિબંધો હટાવવામાં આવશે. તુર્કીને ફાઇટર જેટની સપ્લાય અંગે, ટ્રમ્પે કહ્યું કે, અમારા તુર્કી સાથે સારા સંબંધો છે, અને તુર્કી ઘણી બાબતોમાં તે દેશો કરતાં વધુ વફાદાર રહ્યું છે જે અમે વિચાર્યું હતું. તેમણે એવી પણ દલીલ કરી હતી કે ઘણા લોકો માને છે કે રશિયન S-400 સિસ્ટમ ખરીદ્યા છતાં તુર્કીને F-35 ખરીદવાની મંજૂરી આપવી જોઈએ.
રાષ્ટ્રપતિ ડોનાલ્ડ ટ્રમ્પની પ્રતિક્રિયા
F-35 જેટને અત્યાર સુધીનું શ્રેષ્ઠ જેટ ગણાવતા, રાષ્ટ્રપતિ ટ્રમ્પે કહ્યું કે, પ્રસ્તાવિત વેચાણ ચોક્કસપણે કંઈક એવું હતું જેનો અમે વિચાર કરીશું. તુર્કીના રાષ્ટ્રપતિ એર્દોઆને સંકેત આપ્યો હતો કે, અંકારા માને છે કે તે તુર્કીના પોતાના KAAN ફાઇટર એરક્રાફ્ટ માટે અમેરિકન F-35 ફાઇટર જેટ અને અમેરિકન એન્જિન ખરીદવાના સોદાની નજીક છે.
આ પણ વાંચોઃ ત્રણ વર્ષ બાદ કુવૈતે પાકિસ્તાન સાથેનો સંરક્ષણ કરાર કર્યો લાગુ, જાણો સાઉદી ડીલથી કેટલો અલગ?