Afghanistan earthquake : અફઘાનિસ્તાનની ધરા ફરી ધ્રૂજી, 6.3ની તીવ્રતાના ભૂકંપના આચંકા, સાત લોકોના મોત

અફઘાનિસ્તાનમાં સોમવારે 3 નવેમ્બરે સવારના સમયે જોરદાર ભૂકંપના આંચકા મહેસૂસ થયા હતા. આ ઘટનામાં આશરે 7 લોકોના મોત અને અનેક લોકો ઘાયલ થવાના અહેવાલ સામે આવ્યા છે.

અફઘાનિસ્તાનના ઉત્તરી ભાગમાં આવ્યો ભૂકંપ

અફઘાનિસ્તાનમાં ફરી એક વખત ધરા ધ્રુજી ઉઠી છે. 3 નવેમ્બર સોમવારના દિવસે સવારના સમયે જોરદાર ભૂકંપ આવ્યો હતો. યુએસ જિયોલોજીકલ સર્વે અનુસાર રિક્ટર સ્કેલ પર આ ભૂકંપની તીવ્રતા 6.3 નોંધાવા પામી હતી. રિપોર્ટ પ્રમાણે ભૂકંપમાં અનેક લોકોના મોતના અહેવાલ છે. સ્થાનિય અધિકારીઓ અનુસાર ભૂકંપમાં ઓછામાં ઓછા 7 લોકોના મોત નીજપજ્યા છે. આ ભૂકંપ અફઘાનિસ્તાનના ઉત્તરી ભાગમાં આવ્યો છે. જ્યારે આજથી લગભગ બે મહિના પહેલા દેશના પૂર્વી ભાગમાં આવેલા 2200થી વધારે લોકો મોતને ભેટ્યા હતા.

ભૂકંપનુ કેન્દ્ર બિંદુ જમીનની 28 કિમી અંદર જોવા મળ્યુ

USGS અનુસાર 3 નવેમ્બરે આવેલા ભૂકંપનુ કેન્દ્ર મજાર એ શરીફ શહેરની પાસે ખોલ્મમાં જમીનની 28 કિમી અંદર પર જોવા મળ્યુ છે. એક રિપોર્ટ અનુસાર આ ભૂકંપના આંચકા છેક રાજધાની કાબુલ સુધી મહેસૂસ થયો છે. મજાર-એ-શરીફમાં અનેક લોકો અડધી રાત્રે રસ્તાઓ પર દોડી આવ્યા. તેમને ડર હતો કે તેમનુ ઘર પડી ન જાય.આ ભૂકંપ સ્થાનીય સમયઅનુસાર સોમવારે સવારે તડકે મજાર એ શરીફ શહેર અને ખુલ્મ શહેરની આસપાસ આવ્યો છે. ઉત્તરી બલ્ખ પ્રાંતની રાજધાની મજાર એ શરીફ ઉત્તરી અફઘાનિસ્તાનમાં સૌથી વધારે આબાદી વાળા શહેરમાંથી એક છે. મજાર એ શરીફમાં જ્યારે જોરદાર ભૂકંપના આચંકા આવ્યા ત્યારે લોકો ડરના માર્યા ઘરોની બહાર દોડી આવ્યા. હજુ પણ મૃત્યુઆંક વધવાની શક્યતા છે.