મધ્યપૂર્વમાં તણાવ વધતો જાય છે ત્યારે બગદાદમાં આવેલા અમેરિકી દૂતાવાસ પર મિસાઈલ હુમલો થયાની માહિતી સામે આવી છે. મળતી માહિતી અનુસાર એક મિસાઈલ દૂતાવાસના હેલીપેડ વિસ્તારમાં પડી હતી, જેના કારણે દૂતાવાસના પરિસરમાં ભારે નુકસાન થયું હોવાનું કહેવાઈ રહ્યું છે.
ઘટનાને પગલે આસપાસના વિસ્તારોમાં એલર્ટ જાહેર
સુરક્ષા સૂત્રોના જણાવ્યા મુજબ હુમલા બાદ દૂતાવાસ વિસ્તારમાં તાત્કાલિક સુરક્ષા કડક કરવામાં આવી હતી. ઘટનાને પગલે આસપાસના વિસ્તારોમાં એલર્ટ જાહેર કરવામાં આવ્યું છે અને તપાસ એજન્સીઓ હુમલા પાછળ કોણ જવાબદાર છે તે અંગે તપાસ શરૂ કરી છે. હાલ સુધી કોઈ જાનહાનિ અંગે સત્તાવાર માહિતી બહાર આવી નથી, પરંતુ દૂતાવાસના માળખાગત ભાગને નુકસાન પહોંચ્યાની માહિતી મળી રહી છે.
