બાંગ્લાદેશની સામાન્ય ચૂંટણીના પરિણામો જાહેર થયા બાદ સ્પષ્ટ થયું કે Bangladesh Nationalist Party (BNP) એ કુલ 299 બેઠકોમાંથી 211 બેઠકો જીતીને પૂર્ણ બહુમતી મેળવી છે. આ સાથે BNP સરકાર બનાવવા માટે સંપૂર્ણ રીતે તૈયાર છે. બીજી તરફ, તેનો મુખ્ય હરીફ Jamaat-e-Islami આ ચૂંટણીમાં માત્ર 68 બેઠકો સુધી સીમિત રહ્યો.

BNPની ટિકિટ પર ત્રણ હિન્દુ ઉમેદવારો

આ ચૂંટણીની સૌથી નોંધપાત્ર વાત એ રહી કે BNPની ટિકિટ પર ત્રણ હિન્દુ ઉમેદવારો સાંસદ તરીકે ચૂંટાયા. આ જીત માત્ર રાજકીય સફળતા નથી, પરંતુ બાંગ્લાદેશમાં લઘુમતી સમુદાય માટે વિશ્વાસ અને સ્વીકારનો સંકેત પણ છે.

Gayeshwar Chandra Roy

હિન્દુ ઉમેદવારોમાં સૌથી અગ્રણી નામ Gayeshwar Chandra Royનું છે. તેઓ ઢાકા-3 સંસદીય મતવિસ્તારમાંથી જીત્યા છે. તેમણે જમાત-એ-ઇસ્લામીના ઉમેદવાર Mohammad Shahinur Islam ને પરાજય આપ્યો. ગાયેશ્વર ચંદ્ર રોયને કુલ 99,163 મત મળ્યા હતા અને તેમણે પોતાના નજીકના હરીફને 15,899 મતોના માર્જિનથી હરાવ્યા. તેઓ BNPની સ્થાયી સમિતિના સભ્ય છે અને અગાઉ રાજ્યમંત્રી તરીકે પણ સેવા આપી ચૂક્યા છે. તેમની જીતે દર્શાવ્યું છે કે અનુભવ અને વિશ્વસનીયતા જનતામાં મહત્વ ધરાવે છે.

Nitay Roy Chowdhury

બીજા હિન્દુ વિજેતા Nitay Roy Chowdhury છે, જેમણે મગુરા-2 સંસદીય બેઠક પરથી જીત મેળવી છે. નિતાઈ રોય ચૌધરી BNPના ઉપપ્રમુખ છે અને પાર્ટીમાં એક પ્રભાવશાળી લઘુમતી નેતા તરીકે ઓળખાય છે. તેમણે જમાતના ઉમેદવાર Mustarshid Billah ને હરાવ્યા. નિતાઈ રોય ચૌધરીને 1,47,896 મત મળ્યા અને તેમની જીતનો માર્જિન 30,838 મતનો રહ્યો. તેમની સફળતાએ દર્શાવ્યું કે ગ્રામ્ય વિસ્તારોમાં પણ લઘુમતી ઉમેદવારોને મજબૂત સમર્થન મળી શકે છે.

 Dipen Dewan

ત્રીજા હિન્દુ ઉમેદવાર તરીકે Dipen Dewan એ રંગામતી બેઠક પરથી જીત મેળવી છે. તેઓ વ્યવસાયે વકીલ છે અને સામાજિક મુદ્દાઓ પર સક્રિય ભૂમિકા ભજવતા આવ્યા છે. દીપેન દીવાનને કુલ 31,222 મત મળ્યા હતા અને તેમણે સ્વતંત્ર ઉમેદવાર Pahal Chakma ને 9,678 મતોના માર્જિનથી પરાજય આપ્યો. પહાડી અને આદિવાસી વિસ્તારમાંથી તેમની જીતને ખાસ મહત્વ આપવામાં આવી રહ્યું છે.

Krishna Nandi ખુલના-1

આ ચૂંટણીમાં જમાત ગઠબંધન તરફથી ઉભા રાખવામાં આવેલા એકમાત્ર હિન્દુ ઉમેદવાર Krishna Nandi ખુલના-1 બેઠક પરથી ચૂંટણી હારી ગયા. તેમને 70,346 મત મળ્યા હોવા છતાં તેઓ BNPના ઉમેદવાર સામે જીત મેળવી શક્યા નહીં. આ રીતે બાંગ્લાદેશની આ ચૂંટણીમાં ત્રણ હિન્દુ ઉમેદવારોની જીતે સાબિત કર્યું છે કે દેશનું રાજકારણ ધીમે ધીમે વધુ સમાવેશી બની રહ્યું છે. લઘુમતી સમુદાયના નેતાઓને મળતું જનસમર્થન બાંગ્લાદેશના લોકતંત્ર માટે એક સકારાત્મક અને આશાવાદી સંકેત છે.

આ પણ વાંચો : Iran nuclear : ઈરાન પર શાસન પરિવર્તન? ટ્રમ્પના નિવેદનથી મધ્ય પૂર્વમાં યુદ્ધનો ખતરો વધ્યો