યુએસએસ મિગુએલ કીથના તાજેતરના પસાર થવાથી ચીનમાં ચિંતા વધી છે.
વૈશ્વિક વેપારને અસર
ઇન્ડોનેશિયાએ કહ્યુ છે કે, 18 એપ્રિલના રોજ, યુએસ 7મા ફ્લીટનું એક જહાજ યુએસએસ મિગુએલ કીથ મલક્કાની સામુદ્રધુનીમાંથી પસાર થયું હતું. આ વિશિષ્ટ જહાજ સમુદ્રમાં કમાન્ડ સેન્ટર તરીકે કામ કરે છે. તે હેલિકોપ્ટર અને નાના જહાજો ચલાવી શકે છે, અને સૈનિકો માટે રહેવાની વ્યવસ્થા પણ પૂરી પાડે છે. અમેરિકાની નજર ઇન્ડોનેશિયા દ્વારા મલક્કા પર છે. ત્યાં અમેરિકાની પ્રવૃત્તિએ ચીનનો તણાવ વધાર્યો છે.
હિંદ અને પેસિફિક મહાસાગરોનું જોડાણ
મલક્કાની સામુદ્રધુની ઇન્ડોનેશિયા, મલેશિયા અને સિંગાપોર વચ્ચે સ્થિત છે. આ ત્રણ દેશો તેને નિયંત્રિત કરે છે. તે હિંદ મહાસાગરને પેસિફિક મહાસાગર સાથે જોડે છે અને એશિયાને મધ્ય પૂર્વ અને યુરોપ સાથે જોડતો સૌથી ટૂંકો દરિયાઈ માર્ગ છે. આ જ કારણ છે કે આ માર્ગ સમગ્ર વિશ્વ માટે ખૂબ જ મહત્વપૂર્ણ છે. દર વર્ષે આશરે 80 હજાર જહાજો આ માર્ગેથી પસાર થાય છે. વિશ્વના કુલ દરિયાઈ વેપારનો આશરે 25 થી 40% આ માર્ગ દ્વારા થાય છે. વાર્ષિક આશરે 330 લાખ કરોડ મૂલ્યનો સામાન આ માર્ગ દ્વારા પસાર થાય છે.
અમેરિકાનો હસ્તક્ષેપ કેમ ?
આ ક્ષેત્રમાં અમેરિકાની વધતી હાજરીને ચીન સામેની વ્યૂહરચના તરીકે જોવામાં આવે છે. અમેરિકા ઇન્ડો-પેસિફિક ક્ષેત્રમાં પોતાની શક્તિ વધારી રહ્યું છે, જ્યારે ચીન આ માર્ગ પર નિર્ભર છે. અમેરિકા વિશ્વના ચોકીંગ પોઇન્ટ્સ પર પોતાની પકડ મજબૂત કરી રહ્યું છે. અહીં ભારતની સ્થિતિ પણ મહત્વપૂર્ણ માનવામાં આવે છે, કારણ કે તે આ સમગ્ર પ્રદેશની નજીક સ્થિત છે. જો મલાક્કાની સામુદ્રધુની ક્યારેય બંધ થઈ જાય અથવા અવરોધિત થઈ જાય, તો જહાજોએ લાંબા માર્ગો અપનાવવા પડશે, જેમ કે લોમ્બોક અથવા સુંડા સામુદ્રધુની. આનાથી સમય અને ખર્ચ બંનેમાં વધારો થશે. તેલના ભાવ વધી શકે છે અને માલના વૈશ્વિક પુરવઠા પર અસર પડી શકે છે.
આ પણ વાંચોઃ Chinaએ કેમ લીધુ Taiwanના રાષ્ટ્રપતિ વિરુદ્ધ કડક પગલું, જાણો શુ છે મામલો?
