રશિયાની મુખ્ય તેલ કંપનીઓને 2025ના પ્રથમ છ મહિનામાં મોટો આર્થિક ફટકો પડ્યો છે. આંતરરાષ્ટ્રીય બજારમાં ક્રૂડ ઓઈલના ભાવમાં ઘટાડો, પશ્ચિમી દેશો દ્વારા કડક પ્રતિબંધો અને રશિયન ચલણ રૂબલની મજબૂતાઈએ કંપનીઓની કમાણી પર ઊંડી અસર કરી છે.

ફાયદા-નુકસાનની રમત

ક્રૂડ ઓઈલના ભાવમાં ઘટાડો, પશ્ચિમી પ્રતિબંધો અને રૂબલના મજબૂત થવાને કારણે 2025ના પ્રથમ છ મહિનામાં રશિયાની મુખ્ય તેલ કંપનીઓને ભારે આર્થિક નુકસાન સહન કરવું પડ્યું છે. રોઝનેફ્ટ, લુકોઈલ અને ગેઝપ્રોમ નેફ્ટ સહિતની મુખ્ય કંપનીઓના નફામાં 50%થી વધુનો ઘટાડો નોંધાયો છે. દેશની સૌથી મોટી તેલ ઉત્પાદક કંપની રોઝનેફ્ટ પીજેએસસીએ વર્ષના પ્રથમ છ મહિનામાં 245 અબજ રુબેલ્સનો ચોખ્ખો નફો નોંધાવ્યો છે. જે ગયા વર્ષના સમાન સમયગાળા કરતા 68 ટકા ઓછો છે. આને કારણે, દેશની અર્થવ્યવસ્થા પણ નબળી પડી રહી છે.

પ્રતિબંધોને કારણે આયાત-નિકાસ પર અસર

નફામાં આ મોટો ઘટાડો ફક્ત રોઝનેફ્ટ પૂરતો મર્યાદિત નહોતો. તેની અસર રશિયાની અન્ય મોટી તેલ કંપનીઓની આવક પર સ્પષ્ટપણે દેખાઈ રહી છે. નિષ્ણાતો કહે છે કે વર્તમાન પરિસ્થિતિમાં, તેલ કંપનીઓ માટે ખર્ચ વસૂલ કરવો પડકારજનક બની રહ્યો છે. ઉપરાંત, પશ્ચિમી પ્રતિબંધોને કારણે નિકાસ પર પણ અસર પડી છે. જેના કારણે વિદેશી બજારોમાંથી આવક ઘટી રહી છે. રશિયન ચલણ રૂબલ 2025ના પહેલા ભાગમાં ખૂબ જ મજબૂત થયું. આ સમયગાળા દરમિયાન, યુએસ ડોલર સામે રૂબલ લગભગ 23% મજબૂત થયું અને 31 ઓગસ્ટ સુધીમાં, તે રુબેલ્સની નજીક પહોંચી ગયું છે.

પ્રતિબંધોએ કટોકટીને વધુ વકરી

પશ્ચિમી દેશો, ખાસ કરીને યુએસ અને યુરોપિયન યુનિયન દ્વારા લાદવામાં આવેલા પ્રતિબંધોને કારણે, રશિયન તેલ આંતરરાષ્ટ્રીય બજારમાં ડિસ્કાઉન્ટ પર વેચવું પડે છે. આ ડિસ્કાઉન્ટથી કંપનીઓની આવક પર પણ અસર પડી છે. સેચિને કહ્યું, પ્રતિબંધોને કારણે રશિયન તેલ પર ડિસ્કાઉન્ટ વધ્યું છે, અને મજબૂત રૂબલ સાથે મળીને, તેની સીધી અસર આપણા નાણાકીય પ્રદર્શન પર પડી છે. તેમનું માનવું છે કે અત્યાર સુધી વ્યાજ દરમાં ઘટાડો, જે જૂન અને જુલાઈમાં કુલ 300 બેસિસ પોઈન્ટ હતો, તે પૂરતો નથી. લાંબા સમયથી ઊંચા વ્યાજ દર રોકાણ ઘટાડે છે, લોન મોંઘી બનાવે છે અને કંપનીઓની નાણાકીય શક્તિ પર પ્રશ્નો ઉભા કરે છે.