યુએસ રાષ્ટ્રપતિ ડોનાલ્ડ ટ્રમ્પે ભારત પર 25% ટેરિફ લાદ્યો છે. તો સાથે જ રશિયા સાથેના વેપાર પર વધારાની દંડાત્મક કાર્યવાહીની પણ જાહેરાત કરી છે. ટ્રમ્પે કહ્યું હતું કે ભારત રશિયા સાથે શું કરે છે તેની મને પરવા નથી. તેઓ તેમના મૃત અર્થતંત્રને વધુ ખરાબ કરી શકે છે. તો હવે કેનેડિયન બિઝનેસ ટાયકૂન કિર્ક લુબિમોવે ટ્રમ્પના આ નિવેદન પર પ્રતિક્રિયા આપી છે. ટેસ્ટબેડ કંપનીના ચેરમેન કિર્ક લુબિમોવે ટ્વિટર પર ટ્રમ્પની વ્યૂહરચનાની આકરી ટીકા કરી હતી.


ટેરિફ નીતિઓની તીવ્ર ટીકા

ટેસ્ટબેડ કંપનીના ચેરમેન કિર્ક લુબિમોવે લખ્યું હતું કે, ટ્રમ્પ હવે વિશ્વની સૌથી ઝડપથી વિકસતી અર્થવ્યવસ્થા એટલે કે ભારત સાથે લડાઈ કરી રહ્યા છે. આ એક મોટી ભૂલ છે. લુબિમોવ માને છે કે. ભારતનું મહત્વ માત્ર આર્થિક જ નહીં પણ સપ્લાય ચેઇનમાં ચીનના પ્રભાવને સંતુલિત કરવા માટે ખૂબ જ મહત્વપૂર્ણ છે. તેમણે ટ્રમ્પને સૂચન કર્યું કે ભારતને ખીલી અને હથોડીથી નિયંત્રિત કરવાને બદલે, તેમણે કેનેડા અને ભારત સાથે સહયોગ કરવો જોઈએ જેથી વૈશ્વિક સંસાધનોનો પુરવઠો સંતુલિત થઈ શકે. ટ્રમ્પે ભારતને માત્ર મૃત અર્થતંત્ર જ નહીં, પણ ભારતની ઉચ્ચ ટેરિફ નીતિઓની પણ તીવ્ર ટીકા કરી છે. તેમણે આરોપ લગાવ્યો કે ભારત અમેરિકન સામાન પર વિશ્વનો સૌથી વધુ ટેરિફ લગાવે છે. ટેરિફ અને પ્રતિબંધોને કારણે ભારત સાથે અમેરિકાનો વેપાર મર્યાદિત છે.

Also Read

વિશ્વનું ત્રીજું સૌથી મોટું અર્થતંત્ર

ભારત સરકારે રાજદ્વારી અને તથ્યોના આધારે આ નિવેદનનો તાત્કાલિક જવાબ આપ્યો છે. વાણિજ્ય અને ઉદ્યોગ મંત્રી પીયૂષ ગોયલે સંસદમાં જણાવ્યું હતું કે, ભારત હવે વિશ્વનું સૌથી ઝડપથી વિકસતું મુખ્ય અર્થતંત્ર છે અને ટૂંક સમયમાં વિશ્વનું ત્રીજું સૌથી મોટું અર્થતંત્ર બનવા માટે તૈયાર છે. ગોયલે વધુમાં કહ્યુ હતુ કે, વૈશ્વિક GDPમાં ભારતનું યોગદાન લગભગ 16% છે. દેશની લવચીક આર્થિક નીતિઓ અને માળખાકીય સુધારાઓએ ભારતને વૈશ્વિક વિકાસ એન્જિન બનાવ્યું છે. 

  • Follow us on: