વર્ષ 2012થી ચીને ભ્રષ્ટાચારના આરોપમાં 70 લાખથી વધુ સરકારી કર્મચારીઓની ધરપકડ કરી છે. શી જિનપિંગને 2012માં પ્રથમવાર રાષ્ટ્રપતિ તરીકે નિયુક્ત કરાયા હતા.
માહિતી માટે 100 યુઆન એટલે 1500 રૂ. ચુકવાયા
જાસૂસોને દરેક માહિતી માટે 100 યુઆન એટલે 1500 રૂ. સુધી ચૂકવવામાં આવે છે. આ જાસૂસોને મૂળભૂત માહિતી પૂરી પાડવાનું કામ સોંપવામાં આવે છે. જે પછી વધુ તપાસ તરફ દોરી જાય છે. ચીને આ હેતુ માટે પક્ષના કાર્યકરોને એસ્કોર્ટ તરીકે તૈનાત કર્યા છે. આ કાર્યકરોને ભ્રષ્ટ અધિકારીઓ વિશે ગુપ્ત માહિતી એકત્રિત કરવાનું કામ સોંપવામાં આવે છે. આ માહિતી WeChat દ્વારા અધિકારીઓને આપવામાં આવે છે. કેટલીકવાર, પુરાવા એકત્રિત કરવા માટે અધિકારીઓને ગુપ્ત રીતે ભ્રષ્ટ અધિકારીઓના જૂથોમાં ઉમેરવામાં આવે છે.
શી જિનપિંગ પોતે સક્રિય
શી જિનપિંગ પોતે ચીનમાં ભ્રષ્ટાચાર નાબૂદ કરવા માટે સક્રિયપણે કામ કરી રહ્યા છે. આ વર્ષે, એક કાર્યક્રમમાં, શી જિનપિંગે એક પુસ્તક બહાર પાડ્યું, જેમાં ભ્રષ્ટાચારને મુખ્ય મુદ્દા તરીકે પ્રકાશિત કરવામાં આવ્યો. વધુમાં, ભ્રષ્ટાચારના આરોપસર ચીનમાં ઘણા ઉચ્ચ કક્ષાના અધિકારીઓની ધરપકડ કરવામાં આવી છે.
ઉચ્ચ કક્ષાના અધિકારીઓની ધરપકડ
આ વર્ષે, ચીને સેનાના ઉપ-પ્રમુખ હી વેઈડોંગ સહિત વરિષ્ઠ અધિકારીઓની ધરપકડ કરી. છેલ્લા 12 મહિનામાં ચીની લશ્કરી સેવાના નવ અધિકારીઓની ધરપકડ કરવામાં આવી છે. ગયા મહિને, ચીને ભ્રષ્ટાચાર માટે બે ભૂતપૂર્વ સંરક્ષણ પ્રધાનોને મૃત્યુદંડની સજા ફટકારી હતી. બંનેને બે વર્ષ પછી ફાંસી આપવામાં આવશે.
આ પણ વાંચોઃ Americaમાં Metaની વધી ટેન્શન!, બાળકોને Social Mediaની લત લાગતાં 66% લોકો કડક પ્રતિબંધના પક્ષમાં