Congo bridge collapses: ભયંકર પુલ દુર્ઘટનાનો ડરામણો વીડિયો, કોંગોમાં ખીણ ધસતા તૂટ્યો પુલ, 32 થી વધુના મોત

કોંગોમાં ખાણ ધસી પડવાથી પુલ તૂટી પડ્યો અને 32થી વધુ લોકોના મોત નીપજ્યા છે, તો આશરે 20 લોકો ગંભીર રીતે ઘાયલ થયા છે. જેમને હોસ્પિટલમાં એડમિટ કરવામાં આવ્યા છે. ત્યાંના પુલ તૂટવાનો એક વીડિયો સોશિયલ મીડિયા પર ખૂબ જ વાયરલ થઇ રહ્યો છે, જેને જોઇને લોકોના રૂવાંટા ઉભા થઇ જશે.

લુઆલાબાના ગૃહમંત્રી રોય કોમ્બાએ 32 લોકોના મોતની પુષ્ટિ કરી

દક્ષિણ પૂર્વી કોંગો લોકતાંત્રિક ગણરાજ્ય ડીઆરસીમાં ભયાનક પુલ દુર્ઘટના થવા પામી છે. કોબાલ્ટની ખીણ ધસી પડતા આખો પુલ નીચે તૂટી પડ્યો અને આશરે 32થી વધુ  લોકોના ઘટના સ્થળ પર મોત નીપજ્યા. 20 ઘાયલોને હોસ્પિટલમાં એડમિટ કરવામાં આવ્યા છે. આ ઘટના લુઆલાબા પ્રાંતના મુલોન્ડો શહેરમાં કલાન્ડો માઇનમાં થવા પામી અને આ ઘટનાનો વીડિયો હાલ સોશિયલ મીડિયા પર ખૂબ જ વાયરલ પણ થઇ રહ્યો છે. તો બીજી તરફ લુઆલાબાના ગૃહમંત્રી રોય કોમ્બાએ 32 લોકોના મોતની પુષ્ટિ કરી છે.

આ કારણે ધસી પડી ખીણ અને તૂટ્યો પુલ

ગૃહપ્રધાન રોય કૌમ્બા માયોન્ડેએ એક પ્રેસ કોન્ફરન્સ કરીને આ અકસ્માતની પુષ્ટિ કરી અને જણાવ્યું કે ભારે વરસાદ અને ભૂસ્ખલનને કારણે ખાણ બંધ હતી. કોઈ કામ ચાલી રહ્યું નહોતું અને મજૂરોને અંદર પ્રવેશવાની પણ મનાઈ હતી. છતાં પણ, ગેરકાયદેસર રીતે ખાણકામ ચાલી રહ્યું હતું અને મજૂરો બળજબરીથી ખાણમાં ઘુસ્યા હતા. તેમને રોકવા માટે સુરક્ષા દળોએ ફાયરિંગ કર્યા બાદ મજૂરોમાં દોડધામ મચી ગઈ અને તેઓ પુલ તરફ દોડ્યા, જેના કારણે ખાણ ધસી પડી અને પુલ તૂટી પડતાં તેમ પર મલબો ઢળી પડ્યો અને તેમના પર પડ્યો.