વિદ્યાર્થીએ પહેલા તેના દાદાની હેન્ડગનથી તેના દાદા-દાદીની ગોળી મારી બાદમાં તેની શાળામાં ગયો અને ગોળીબાર કર્યો હતો.
ત્રણ શિક્ષકો સહિત ત્રણના વિદ્યાર્થીના મોત
બેંગકોકની શાળામાં ત્રણ શિક્ષકો અને ત્રણ વિદ્યાર્થીઓને પણ મારી નાખવામાં આવ્યા છે. ગોળીબારમાં અન્ય ઘણા વિદ્યાર્થીઓ પણ ઘાયલ થયા હતા. પોલીસના જણાવ્યા અનુસાર, નવમા ધોરણના ગોળીબારીએ તેના દાદાની 9mm હેન્ડગનનો ઉપયોગ કર્યો હતો. શાળાનું નામ દેબસિરિન નોન્થાબુરી સ્કૂલ હતું. હુમલો કરનાર વિદ્યાર્થી જીવિત છે કે મૃત છે તે અંગે વિરોધાભાસી અહેવાલો છે. પોલીસે વિદ્યાર્થીને ગોળી મારીને હત્યા કરી છે, જ્યારે અન્ય અહેવાલોમાં જણાવાયું છે કે તેણે આત્મહત્યા કરી છે.
બંદૂક કાયદા કડક બનાવવા માગ
અન્ય એક અહેવાલ મુજબ, જે વિસ્તારમાં ગોળીબાર થયો હતો. તે વિસ્તારમાં થાઈલેન્ડમાં સૌથી વધુ બંદૂકો છે. એવો અંદાજ છે કે આ પ્રદેશમાં આશરે 10 મિલિયન બંદૂકો છે એટલે કે દર સાત લોકો માટે લગભગ એક બંદૂક છે. બંદૂક કાયદા કડક બનાવવાના અગાઉના વચનો છતાં, ગોળીબાર બંધ થયો નથી. આ વર્ષના ફેબ્રુઆરીમાં, દક્ષિણ થાઈલેન્ડમાં એક કિશોરે એક શાળામાં ગોળીબાર કર્યો હતો. થાઈ પોલીસે બાદમાં તેને ગોળી મારીને ધરપકડ કરી હતી. આ હુમલામાં શાળાના આચાર્યનું મોત થયું હતું અને બે વિદ્યાર્થીઓ ઘાયલ થયા હતા.
અગાઉ પણ થઇ છે આવી ઘટના
તો આ દરમિયાન વર્ષ 2022માં બંદૂક અને છરીથી સજ્જ એક ભૂતપૂર્વ પોલીસકર્મીએ દેશના ઉત્તરમાં એક નર્સરીમાં ઘૂસીને 24 બાળકો અને 12 પુખ્ત વયના લોકોની હત્યા કરી હતી. આ ઘટનાને થાઈલેન્ડના ઇતિહાસમાં સૌથી ખરાબ હત્યાકાંડ માનવામાં આવે છે.
આ પણ વાંચોઃ Republic of Balochistan માટે વૈશ્વિક ઝુંબેશ શરુ, વિશ્વ પાસે મંગાઈ મદદ