એલોન મસ્કની કંપની સ્પેસ એક્સની સેટેલાઇટ ઇન્ટરનેટ સેવા સ્ટારલિંક બાંગ્લાદેશમાં પ્રવેશી છે. અને તે ગામડાઓમાં કનેક્ટિવિટી આપી રહ્યુ છે.
બાંગ્લાદેશ-મ્યાનમાર સરહદ પર કૌભાંડ
સુરક્ષા એજન્સીઓ ચિંતિત છે કારણ કે, ઇન્ટરનેટને કારણે, વિશ્વનું સૌથી મોટું ઓનલાઇન છેતરપિંડી કેન્દ્ર હવે બાંગ્લાદેશ-મ્યાનમાર સરહદ પર ચાલી રહ્યુ છે. જ્યાં એક સમયે ડ્રગ્સ અને હથિયારોની દાણચોરી કરવામાં આવતી હતી. ત્યાં લેપટોપ, સેટેલાઇટ ડીશ અને હજારો હેકર્સ હવે અબજો રૂપિયાની સાયબર છેતરપિંડી ચલાવી રહ્યા છે. એપ્રિલ 2025માં, બાંગ્લાદેશ ટેલિકોમ્યુનિકેશન્સ રેગ્યુલેટરી કમિશને વચગાળાની સરકારના મુખ્ય સલાહકાર મોહમ્મદ યુનુસની મંજૂરીથી, સ્ટારલિંકને 90 દિવસ માટે સંચાલન કરવાની પરવાનગી આપી હતી. પરંતુ હવે એક અલગ ખતરો ઉભો થયો છે.
સાયબર ક્રાઇમનું નવું નેટવર્ક
બાંગ્લાદેશ-મ્યાનમાર સરહદ, ખાસ કરીને નાફ નદી કિનારે, રોહિંગ્યા દાણચોરી, શસ્ત્ર પુરવઠો અને ડ્રગ હેરફેર જેવી પ્રવૃત્તિઓ માટે પહેલાથી જ કુખ્યાત છે. હવે, સેટેલાઇટ ઇન્ટરનેટ દ્વારા આ વિસ્તારમાં સાયબર ક્રાઇમનું એક નવું નેટવર્ક વિકસી રહ્યું છે. મ્યાનમાર બાજુના કેકે પાર્ક જેવા કૌભાંડી કમ્પાઉન્ડમાં આશરે 1,20,000 લોકોને કેદ કરવામાં આવ્યા છે. તેમને ઓનલાઈન રોમાંસ કૌભાંડોમાં ફરજ પાડવામાં આવી છે. આમાંથી ઘણા સ્ટારલિંક ટર્મિનલનો ઉપયોગ કરી રહ્યા છે.
ડિજિટલ ગુના રોકવા માટે પ્રયાસ
નિષ્ણાતો કહે છે કે આ સ્કેમર્સ હવે બાંગ્લાદેશી IP સરનામાંનો ઉપયોગ કરીને ભારતીય અને આંતરરાષ્ટ્રીય પીડિતોને નિશાન બનાવી રહ્યા છે, જેના કારણે સાયબર ટ્રેકિંગ લગભગ અશક્ય બની ગયું છે. જો તેને રોકવામાં ન આવે તો, આ સૌથી મોટું ક્રોસ-બોર્ડર સાયબર ક્રાઇમ નેટવર્ક બની શકે છે. નિષ્ણાતો માને છે કે નિયંત્રણ માટે, સ્થાનિક ગેટવે સ્ટેશન, ડેટા સ્થાનિકીકરણ અને કાયદેસર ઇન્ટરસેપ્શન એક્સેસ જેવી જોગવાઈઓ, જે ભારત જેવી જ છે. દાણચોરી અને ડિજિટલ ગુના બંનેને રોકવા માટે ઇન્ટરપોલ, ભારત અને થાઇલેન્ડ જેવા દેશો સાથે સંકલન પણ જરૂરી બનશે.
