અમેરિકાના રાષ્ટ્રપતિ ડોનાલ્ડ ટ્રમ્પને સુપ્રીમ કોર્ટ તરફથી મોટો ઝટકો લાગ્યો છે. મંગળવારે આવેલા 6-3ના નિર્ણયમાં કોર્ટે યુનાઈટેડ સ્ટેટ્સમાં બર્થરાઈટ સિટિઝનશિપ (જન્માધારિત નાગરિકતા) પર પ્રતિબંધ મૂકવાના તેમના પ્રયાસને રદ કર્યો છે. આ નિર્ણય ટ્રમ્પની ઈમિગ્રેશન નીતિ માટે એક મહત્વપૂર્ણ આંચકો માનવામાં આવે છે.
ટ્રમ્પના એક્ઝિક્યુટિવ ઓર્ડરને અટકાવવામાં આવ્યો હતો
સુપ્રીમ કોર્ટે નીચલી કોર્ટના નિર્ણયને યથાવત રાખ્યો, જેમાં ટ્રમ્પના એક્ઝિક્યુટિવ ઓર્ડરને અટકાવવામાં આવ્યો હતો. આ ઓર્ડરમાં કહેવામાં આવ્યું હતું કે અમેરિકામાં જન્મેલા એવા બાળકોને નાગરિકતા આપવામાં ન આવે, જેમના માતા-પિતામાંથી કોઈ પણ અમેરિકન નાગરિક અથવા કાનૂની પરમાનેન્ટ રેસિડેન્ટ (ગ્રીન કાર્ડ ધારક) નથી. કોર્ટ સમક્ષ દલીલ કરવામાં આવી હતી કે આ નિર્ણય અમેરિકન બંધારણના 14મા સુધારાના ઉલ્લંઘન સમાન છે, જેમાં સ્પષ્ટ રીતે કહેવામાં આવ્યું છે કે અમેરિકામાં જન્મેલા દરેક વ્યક્તિને નાગરિકતા મળે છે, કેટલીક ખાસ છૂટછાટ સિવાય.