રશિયાથી તેલ ખરીદનારા દેશો પર અમેરિકાના રાષ્ટ્રપતિ ડોનાલ્ડ ટ્રમ્પ સતત કઠોર વલણ દાખવી રહ્યા છે. મંગળવારે ટ્રંપે યુરોપને કડક ચેતવણી આપી કે તેઓ યુક્રેનમાં ચાલી રહેલા સંઘર્ષને લઈને રશિયાની રાજધાની મોસ્કોની આર્થિક મદદ રોકવા માટે તરત જ રશિયન તેલની ખરીદી બંધ કરે. પત્રકારો સાથે વાત કરતાં ટ્રંપે કહ્યું કે યુક્રેનના રાષ્ટ્રપતિ વ્લાદીમીર ઝેલેન્સકીએ ચાલી રહેલા સંઘર્ષને સમાપ્ત કરવા માટે કોઈ સમજૂતી કરવી જ જોઈએ. કહ્યું કે, "ઝેલેન્સકીએ હવે આગળ વધવું પડશે અને સમજૂતી કરવી પડશે. યુરોપે પણ રશિયાથી તેલ ખરીદવું બંધ કરવું જોઈએ. તેઓ વાત તો કરે છે, પણ તેમને તેલ ખરીદવું બંધ કરવું જ પડશે.
ટ્રમ્પ દબાણ બનાવી રહ્યા છે?
જ્યારે પત્રકારોએ રાષ્ટ્રપતિ ટ્રમ્પે પૂછ્યું કે શું તેઓ યુરોપ અને નાટોના દેશો પર ઓઇલની આયાત બંધ કરવા દબાણ બનાવી રહ્યા છે, તો ટ્રમ્પે કોઈ પણ હિચકિચાહટ વગર કહ્યું કે "હું માનું છું, પણ સમસ્યા છે." તેઓએ કહ્યું, તમને ખબર છે સમસ્યા શું છે? તેઓ રશિયન ઓઇલ ખરીદી રહ્યા છે. તેમણે કહ્યું કે "હું નથી ઈચ્છતો કે તે દેશો રશિયન ઓઇલ ખરીદે, અને તેમને તરત જ આ બંધ કરવું પડશે. આ આપણા માટે યોગ્ય નથી. તે રશિયન ઓઇલ ખરીદી રહ્યા છે.
ઝેલેન્સકી અને પુતિન જબરદસ્ત નફરત
રશિયા-યુક્રેન યુદ્ધની ચર્ચા કરતાં ટ્રમ્પે કહ્યું કે આ એવું યુદ્ધ છે જે ક્યારેય થવું જ નહોતુ. તેમણે યુદ્ધ માટે બંને દેશોના નેતાઓ વચ્ચેની ઊંડી દુશ્મનાવટને જવાબદાર ઠેરવી. કહ્યું કે દેશ મુશ્કેલીમાં છે. પણ હું આને રોકીને રહીશ. મેં 8 મહીનામાં 7 યુદ્ધો અટકાવ્યા છે. મને લાગ્યું હતું કે આ સૌથી સરળ હશે, પણ એવું થયું નહીં." તેમણે કહ્યું કે "ઝેલેન્સકી અને પુતિન વચ્ચે ખૂબ જ નફરત છે. પણ અમે આ યુદ્ધ રોકીશું.
