દુબઈથી ઇઝરાયલની રાજધાની તેલ અવીવ જતી ફ્લાયદુબઈની ફ્લાઇટમાં બનેલી ઘટનાએ વૈશ્વિક સ્તરે સુરક્ષાની ગંભીર ચિંતાઓ ઊભી કરી છે. કોકપીટમાં બે પાઇલટ્સ વચ્ચે થયેલા ઘાતક સંઘર્ષ અને વિમાન પર કાબૂ મેળવવાનો પ્રયાસ જોઈને આખી દુનિયા સ્તબ્ધ થઈ ગઈ હતી. જો ઓમાની કો-પાઇલટ પોતાના આ ખતરનાક કાવતરામાં સફળ થયો હોત, તો તેના પરિણામો અત્યંત ભયાનક આવી શક્યા હોત. જોકે, ભારતીય પાઇલટ સ્મિત માછર અને કેટલાક સતર્ક મુસાફરોની અદભુત બહાદુરીના કારણે આ મોટો ભોગ અટકી ગયો હતો.
મોટી અને ચોંકાવનારી બેદરકારી સામે આવી
આ ઘટના બાદ હવે ચાલી રહેલી તપાસમાં ઇઝરાયલ તરફથી એક મોટી અને ચોંકાવનારી બેદરકારી બહાર આવી છે. અહેવાલો અનુસાર, દુશ્મન દેશોના પાઇલટ્સ પર તેલ અવીવ ઉડાન ભરવા પર સખત પ્રતિબંધ હોવા છતાં, ડઝનબંધ ઓમાની પાઇલટ્સ છેલ્લા કેટલાક સમયથી તેલ અવીવ જઈ રહ્યા હતા. 2020ના અબ્રાહમ કરાર હેઠળ, જે દેશોના ઇઝરાયલ સાથે રાજદ્વારી સંબંધો નથી તેવા દેશોના પાઇલટ્સ ઇઝરાયલ ઉડાન ભરી શકતા નથી. ઓમાનના ઇઝરાયલ સાથે સારા સંબંધો ન હોવા છતાં, ઇઝરાયલી સુરક્ષા એજન્સીઓએ આ નિયમનો અમલ કરાવવામાં ભારે બેદરકારી દાખવી હતી.