નેપાળની રાજધાની કાઠમંડુના રસ્તાઓ પર આજે જબરદસ્ત વિરોધ પ્રદર્શન જોવા મળી રહ્યુ છે. હજારોની સંખ્યામાં Gen-Z છોકરા છોકરીઓ રસ્તાઓ પર ઉતરી આવ્યા છે અને સોશિયલ મીડિયા બેન વિરુદ્ધ અવાજ ઉઠાવી રહ્યા છે. તેને ધ્યાનમાં રાખીને કાઠમંડુમાં કફર્યુ લગાવી દેવામાં આવ્યો છે. આ વિરોધ પ્રદર્શન દરમિયાન 18 લોકોએ પોતાનો જીવ ગુમાવ્યો. 80 થી વધારો લોકો ઘાયલ થયા છે.
સરકાર વિરુદ્ધ Gen-Z રિવોલ્યુશન શરૂ કર્યુ
કાઠમંડુના અલગ અલગ શહેરમાં વડાપ્રધાન કેપી શર્મા ઓલીની સરકાર વિરુદ્ધ Gen-Z રિવોલ્યુશન શરૂ કરી દીધુ છે. આ દરમિયાન પ્રદર્શનકારી સંસદ ભવનમાં ઘૂસ્યા હતા. પોલીસે આ પરિસ્થિતિને નિયંત્રણમાં લેવા માટે
ટીયર ગેસના શેલ છોડવામાં આવ્યા હતા. દેશની નવી યુવા પેઢી સરકાર દ્વારા સોશિયલ મીડિયા પર પ્રતિબંધ મૂકવાથી લઈને ભ્રષ્ટાચાર સુધીની દરેક બાબતનો વિરોધ કરી રહી છે.
હજારો યુવાઓ રસ્તા પર સરકાર વિરુદ્ધ કરી રહ્યા છે નારેબાજી
આ પ્રદર્શનમાં હજારો યુવાઓ રસ્તા પર સરકાર વિરુદ્ધ નારેબાજી કરતા જોવા મળી રહ્યા છે. પ્રદર્શન દરમિયાન સરકારે કલાકો સુધી ફોન અને ઇન્ટરનેટ સેવાઓ બંધ કરી દીધી હતી. નેપાળ સરાકાર દ્વારા ફેસબુક, ટ્વિટર, વોટ્સએપ અને યુટ્યુબ જેવી 26 સોશિયલ મીડિયા એકાઉન્ટ પર પ્રતિબંધ લગાવવાથી નારાજ યુવાનોએ 8 સપ્ટેમ્બર Gen-Z રિવોલ્યુશનના નામથી પ્રદર્શન શરૂ કર્યુ છે.આપને જણાવી દઇએ કે કેપી ઓલી સરકારે 4 સપ્ટેમ્બરે ફેસબુક, ઇન્સ્ટાગ્રામ, યુટ્યુબ, વોટ્સએપ, રેડિટ અને ટ્વીટર જેવા 26 સોશિયા મીડિયા એપ્સ પર બેન લગાવી દીધો હતો.
