સિઝેરિયન દ્વારા જન્મેલું આ બાળક સામાન્ય નવજાત શિશુ કરતા બમણું છે.
સૌથી અનોખુ બાળક
5 ફૂટ 7 ઇંચ ઊંચાઈ ધરાવતી 33 વર્ષની માતા જેનેલ રોસની ગર્ભાવસ્થા ઉતાર-ચઢાવ અને શારીરિક મુશ્કેલીઓથી ભરેલી હતી. બાળકનું કદ એટલું ઝડપથી વધી રહ્યું હતું કે ડોકટરોને દર 14 દિવસે જેનેલ પર ખાસ અલ્ટ્રાસાઉન્ડ અને બ્લડ સુગર ટેસ્ટ કરાવવા પડતા હતા. જોકે, આધુનિક ટેકનોલોજી હોવા છતાં, ડોકટરો ગર્ભાશયમાં આ છુપાયેલ રહસ્ય શોધી શક્યા ન હતા, અને બાળકનું વાસ્તવિક વજન ફક્ત ડિલિવરી સમયે જ ખુલ્યું હતું.
આનુવંશિકતાનો એક દુર્લભ કિસ્સો
નવજાત બાળક તેના મોટા કદને કારણે, તેના માટે ખરીદેલા બધા નવજાત શિશુના કદના કપડાં ખૂબ નાના હતા, અને તેને તેના જન્મના પહેલા દિવસથી જ 6 મહિનાના કપડાં પહેરાવવા પડ્યા હતા. તેના કપડાંની સાથે, આ બાળકનો આહાર પણ બધાને આશ્ચર્યચકિત કરે છે, કારણ કે તે એક સમયે બે બોટલ દૂધ સરળતાથી ગળી શકે છે. જેનેલના પતિ, વિક્ટર ઓકાન્મે, 6 ફૂટ ઊંચા છે. જેને નિષ્ણાતો આનુવંશિકતાનો એક દુર્લભ કિસ્સો માને છે. જેનેલ પહેલાથી જ બે અન્ય બાળકો ધરાવે છે, પરંતુ આ નવા મહેમાનનું વજન તેના બંને ભાઈ-બહેનોના જન્મ વજન કરતાં બરાબર બમણું છે.
શું આ બ્રિટનનું સૌથી ભારે બાળક ?
તબીબી ઇતિહાસ પર નજર કરીએ તો, આ બાળક બ્રિટિશ ઇતિહાસમાં સૌથી ભારે બાળક બનવાથી ભાગ્યે જ ચૂકી ગયું. દેશના સૌથી ભારે બાળકનો રેકોર્ડ 1992માં જન્મેલા ગાય કારના નામે છે. જેનું વજન 15 પાઉન્ડ 8 ઔંસ એટલે કે 7 કિલોગ્રામથી વધુ હતું. આ પછી 2013માં જ્યોર્જ કિંગ જેનુ વજન 15 પાઉન્ડ 7 ઔંસ અને 2021માં આલ્ફા સ્ટોન મિશેલ એટલે કે 14 પાઉન્ડ 15 ઔંસનું વજન વધ્યું. હાલમાં, હોસ્પિટલના ડોકટરોએ માતા અને બાળક બંનેને સંપૂર્ણપણે સ્વસ્થ જાહેર કર્યા છે.
આ પણ વાંચોઃ અમેરિકા-ઈરાન યુદ્ધમાં કુવૈત ટાર્ગેટ, ઈરાને મિસાઈલ હુમલાથી વોટર પ્લાન્ટ કર્યો તબાહ