ડોનાલ્ડ ટ્રમ્પે કહ્યું હતું કે, ક્યુબા સાથે સોદો શક્ય છે. પરંતુ જો જરૂરી હોય તો, યુએસ કડક પગલાં લેશે.
ઇરાન બાદ ક્યુબામાં વિકટ સ્થિતિ
અમેરિકાના રાષ્ટ્રપતિ ડોનાલ્ડ ટ્રમ્પે કહ્યું છે કે, ઈરાન યુદ્ધ સમાપ્ત થયા પછી અમેરિકા ક્યુબા સામે કાર્યવાહી કરી શકે છે. તેમણે કહ્યું હતું કે અમેરિકા ક્યુબા સાથે પણ સોદો કરી શકે છે. પરંતુ જો જરૂરી હોય તો, તે જે પણ જરૂરી હશે તે કરશે. જોકે, ટ્રમ્પે સ્પષ્ટતા કરી હતી કે અમેરિકા હાલમાં ઈરાન સાથે ચાલી રહેલા યુદ્ધ પર ધ્યાન કેન્દ્રિત કરી રહ્યું છે અને ક્યુબાનો મુદ્દો પછીથી ઉકેલવામાં આવશે.
ક્યુબામાં રમખાણો થયા શરુ
ટ્રમ્પનું નિવેદન એવા સમયે આવ્યું છે જ્યારે ક્યુબામાં તાજેતરમાં રમખાણો થયા હતા. શનિવારે લોકોએ વીજળી ગુલામી સામે વિરોધ કર્યો હતો. સ્થાનિક મીડિયા અહેવાલો અનુસાર, ગુસ્સે ભરાયેલા વિરોધીઓ કમ્યુનિસ્ટ પાર્ટીના કાર્યાલય પર હુમલો કર્યો હતો. સોશિયલ મીડિયા પરના વીડિયોમાં લોકો ઇમારતની બારીઓ પર પથ્થરમારો કરતા દેખાય છે. વીડિયોમાં લોકો સ્વતંત્રતા માટે સૂત્રોચ્ચાર કરતા પણ દેખાય છે. ક્યુબાના રાષ્ટ્રપતિ મિગુએલ ડિયાઝ-કેનેલે જણાવ્યું છે કે તેમનો દેશ અમેરિકા સાથે વાતચીત કરી રહ્યો છે.
ક્યુબામાં કટોકટીનું કારણ શું ?
ક્યુબા દાયકાઓમાં તેના સૌથી ખરાબ આર્થિક સંકટનો સામનો કરી રહ્યું છે. દેશ તેલ આયાત કરવામાં સમસ્યાઓનો સામનો કરી રહ્યો છે. ક્યુબા વીજળી ઉત્પાદન અને પરિવહન માટે આયાતી તેલ પર ખૂબ આધાર રાખે છે. ઇંધણની અછતને કારણે ઘણા વિસ્તારોમાં વીજળી ગુલ થઈ ગઈ છે અને જાહેર સેવાઓ મર્યાદિત થઈ છે. શનિવારના વિરોધ શરૂઆતમાં શાંતિપૂર્ણ હતા, પરંતુ પછીથી હિંસક બન્યા. રાષ્ટ્રપતિ ડિયાઝ-કેનેલે કહ્યું કે જાહેર ગુસ્સો સમજી શકાય તેવો છે, પરંતુ તોડફોડ અને હિંસા સહન કરવામાં આવશે નહીં.
આ પણ વાંચોઃ LPG લઈને ભારતમાં પહોંચેલું 'શિવાલિક' જહાજ એક કલાકમાં કેટલું વાપરે છે તેલ?, જાણો