ઈરાન પર ઈઝરાયલ અને અમેરિકાના સંયુક્ત હુમલાઓએ મધ્ય પૂર્વમાં તણાવ વધી ગયો છે, જ્યારે ઈરાન સતત બદલો લેવાના હુમલાઓ કરી રહ્યું છે. આ દરમિયાન ઈરાની રિવોલ્યુશનરી ગાર્ડે દાવો કર્યો છે કે નેતન્યાહૂના કાર્યાલય અને ઈઝરાયલી વાયુસેના કમાન્ડરના બેઝને નિશાન બનાવવામાં આવ્યા છે. તેમણે એમ પણ કહ્યું કે હુમલા બાદ નેતન્યાહૂની સ્થિતિ અસ્પષ્ટ છે.

વાયુસેના કમાન્ડરના નિવાસસ્થાનને નિશાન બનાવવામાં આવ્યા

સોમવારે, ઈરાનના ઈસ્લામિક રિવોલ્યુશનરી ગાર્ડ કોર્પ્સ (IRGC)એ એક નિવેદનમાં જણાવ્યું હતું કે ખૈબર શેકાન બેલિસ્ટિક મિસાઈલો દ્વારા કરવામાં આવેલા હુમલાના દસમા તબક્કામાં ઈઝરાયલી વડાપ્રધાન નેતન્યાહૂના કાર્યાલય અને શાસનના વાયુસેના કમાન્ડરના નિવાસસ્થાનને નિશાન બનાવવામાં આવ્યા હતા. IRGC એ જણાવ્યું હતું કે હુમલા પછી નેતન્યાહૂનું શું થયું તે તાત્કાલિક સ્પષ્ટ નથી.

ખામેનેઈની હત્યા બાદ તણાવ વધી ગયો

આ જાહેરાત ઇઝરાયલ-ઈરાન સંઘર્ષ વચ્ચે આવી છે, જે યુએસ-ઇઝરાયલી સંયુક્ત કાર્યવાહીમાં ઇરાનના સર્વોચ્ચ નેતા અલી ખામેનેઈની હત્યા બાદ વધી ગયો છે. જવાબમાં, તેહરાન અને તેના સાથી લશ્કરોએ ઇઝરાયલી શહેરો અને ગલ્ફ ક્ષેત્રમાં યુએસ બેઝ પર મિસાઇલ અને ડ્રોન હુમલા શરૂ કર્યા છે.

આ પણ વાંચો : Israel iran US War: ઇરાન ઇઝરાયલ યુદ્ધથી ફીક્કી પડશે તમારા ઘરની ચમક? પેઇન્ટ બનાવતી કંપનીઓને તગડો ઝટકો