પશ્ચિમ એશિયામાં ચાલી રહેલો સંઘર્ષ હવે ભયાનક વળાંક લઈ રહ્યો છે. ગલ્ફ ક્ષેત્રમાં વધી રહેલા યુદ્ધની વચ્ચે ઈરાની દળોએ કુવૈતને નિશાન બનાવવાનું શરૂ કર્યું છે. તાજેતરની ગંભીર ઘટનામાં, કુવૈત પેટ્રોલિયમ કોર્પોરેશને પુષ્ટિ કરી છે કે મંગળવારે સવારે તેમના ક્રૂડ કેરિયર અલ-સાલ્મી પર સીધો હુમલો કરવામાં આવ્યો હતો.
ટેન્કર પર હુમલો ઇરાનનો હુમલો
આ ઘટના 31 માર્ચ, 2026 ના રોજ બપોરે 12.10 વાગ્યાની આસપાસ બની હતી. જે સમયે હુમલો થયો, ત્યારે આ વિશાળ ટેન્કર સંયુક્ત આરબ અમીરાત (UAE) ના દુબઈ પોર્ટ એન્કરેજ વિસ્તારમાં લંગરાયેલું હતું. અહેવાલો અનુસાર, ટેન્કર સંપૂર્ણપણે ક્રૂડ ઓઈલથી ભરેલું હતું. હુમલાને કારણે જહાજના બાહ્ય ભાગને નોંધપાત્ર નુકસાન થયું હતું અને બોર્ડ પર ભીષણ આગ ફાટી નીકળી હતી. સદનસીબે, કોઈ ક્રૂ મેમ્બર ઘાયલ થયા નથી, પરંતુ દરિયામાં તેલ ઢોળાવવાને કારણે પર્યાવરણીય હોનારત સર્જાવાનો મોટો ખતરો ઉભો થયો છે. હાલ ઈમરજન્સી ટીમો પરિસ્થિતિને કાબૂમાં લેવા પ્રયત્ન કરી રહી છે.