ઈરાની વિદેશ મંત્રાલયના જણાવ્યા અનુસાર, તેહરાન અમેરિકા સાથે તેલ અને ગેસ વેચવા અને વિમાન ખરીદવા માટે ચર્ચા કરશે.
ઈરાન-અમેરિકા વચ્ચે શસ્ત્ર કરાર પર ચર્ચા
ઈરાનના વિદેશ મંત્રી હમીદ ઘનબારી કહે છે કે, તેહરાન અમેરિકા સાથે તેલ, ખનિજો અને વિમાનો પર કરાર કરવાની તૈયારી કરી રહ્યું છે. આ મામલે વાતચીતનો દૌર શરૂ થયો છે. ઘનબારી કહે છે કે જ્યારે 2015માં પરમાણુ કરાર પર પહેલી વાર હસ્તાક્ષર કરાયા હતા. ત્યારે તેનો અમેરિકાને કોઈ ફાયદો થયો ન હતો. જેના કારણે અમેરિકાએ થોડા વર્ષો પછી તેને રદ કર્યો. પરંતુ જો આ સોદો સફળ થશે તો ઈરાન અમેરિકા પાસેથી વિમાન ખરીદશે. ઈસ્લામિક રિપબ્લિક હેઠળ આ પહેલી વાર છે જ્યારે ઈરાન અમેરિકા સાથે શસ્ત્ર કરાર પર ચર્ચા કરે છે.
ઈરાન કેમ કરે છે આ સોદો ?
1. હમીદ ઘનબારીના મતે, 2015માં થયેલા ઈરાન-અમેરિકા પરમાણુ કરારથી અમેરિકાને કોઈ ફાયદો થયો ન હતો. આખરે, અમેરિકાએ તે સોદો રદ કર્યો. ઈરાન ખાતરી કરવા માંગે છે કે આ વખતે આ સોદાથી અમેરિકાને ફાયદો થાય, ભવિષ્યમાં કરાર રદ ન થાય.
2. ઈરાનને ફક્ત અમેરિકા તરફથી જ ખતરો છે. અમેરિકાએ મધ્ય પૂર્વમાં ઈરાન નજીક બે યુદ્ધ જહાજો તૈનાત કર્યા છે. જો ઈરાન અમેરિકાને મનાવશે નહીં, તો તેને યુદ્ધમાં પ્રવેશવાની ફરજ પડશે. ઈરાન માટે યુદ્ધ લડવું સરળ નથી.
3. ઈરાન શૂન્ય-સંવર્ધન યુરેનિયમ ટાળવા માંગે છે. તેથી તેહરાન અમેરિકાને પોતાના પક્ષમાં લાવવા માટે શસ્ત્રો ખરીદવા જેવા સોદા ઓફર કરી રહ્યું છે. ઈરાન પોતાના સમૃદ્ધ યુરેનિયમને સાચવવાનો પ્રયાસ કરી રહ્યું છે. જ્યારે અમેરિકા ઈચ્છે છે કે, ઈરાન તેના બધા સમૃદ્ધ યુરેનિયમનો નાશ કરે.
4. કાર્નેગી એન્ડોમેન્ટના સિનિયર ફેલો ડેવિડ એરોનના મતે, મધ્ય પૂર્વમાં અમેરિકાની લશ્કરી હાજરી જેટલી વધુ વ્યાપક હશે, તેને રોકવા માટે ઈરાને તેટલી વધુ છૂટછાટો આપવી પડશે. જો કોઈ છૂટછાટ આપવામાં નહીં આવે, તો હુમલાઓ વધુ મહત્વાકાંક્ષી અને ગંભીર બની શકે છે.
આ પણ વાંચોઃ Bangladesh New Cabinet News: નવી સરકારમાં Tarique Rahman એક હિન્દુ નેતાને સમાવવા કરી રહ્યા છે તૈયારી