અમેરિકા માને છે કે ગાલિબાફ એકમાત્ર એવા નેતા છે જે ઈરાનમાં તેના હિતોની સેવા કરી શકે છે.
કટ્ટરપંથી ઈરાની અધિકારી ચર્ચામાં
અમેરિકા અને ઈરાન વચ્ચેના કરાર અંગે સસ્પેન્સ ચાલુ છે. જ્યારે અમેરિકાના રાષ્ટ્રપતિ ડોનાલ્ડ ટ્રમ્પે દાવો કર્યો છે કે, વાટાઘાટો શરૂ થઈ છે. ત્યારે ઈરાન કહે છે કે તેણે અમેરિકા સાથે કોઈ વાતચીત કરી નથી. દરમિયાન, યુદ્ધવિરામ અંગે અમેરિકાની યોજના જાહેર થઈ છે. અમેરિકા એક કટ્ટરપંથી ઈરાની અધિકારીને જીતવા માંગે છે જે ભવિષ્યમાં તેના માટે કામ કરશે. આ માટે, ટ્રમ્પ વહીવટીતંત્ર તે અધિકારીને મનાવવાનું કામ કરી રહ્યું છે. અધિકારીનું નામ મોહમ્મદ બી. ગાલિબાફ છે.
બી.ગાલિબાફ કોણ છે?
ગાલિબાફને ઈરાનમાં કટ્ટરપંથી નેતા માનવામાં આવે છે. તેઓ હાલમાં ઈરાની સંસદના સ્પીકર તરીકે સેવા આપે છે. તેમને ઈરાનના બીજા સર્વોચ્ચ નેતા, આયાતુલ્લા અલી ખામેનેઇનીના વિશ્વાસુ માનવામાં આવતા હતા. ગાલિબાફે ઇસ્લામિક રિવોલ્યુશનરી ગાર્ડ્સમાં સૈનિક તરીકે પોતાની કારકિર્દીની શરૂઆત કરી હતી અને બાદમાં આ કોર્પ્સ ઓફ ગાર્ડ્સમાં જનરલ બન્યા હતા. સેના છોડ્યા પછી, ગાલિબાફને તેહરાનના મેયર તરીકે નિયુક્ત કરવામાં આવ્યા હતા.
ગાલિબાફ સુપ્રીમ લીડર માટે પ્રિય
યુએસ વહીવટીતંત્ર ગાલિબાફને સુપ્રીમ લીડર તરીકે પસંદ કરે છે. તે ઇચ્છે છે કે ગાલિબાફ મોજતબાનું સ્થાન લે. પત્રકારોના એક પ્રશ્નના જવાબમાં ટ્રમ્પે કહ્યું કે, અમે હોર્મુઝને નિયંત્રિત કરવા માટે ઈરાનના સુપ્રીમ લીડર સાથે કામ કરીશું. આ અંગે વધુ પ્રશ્નો પૂછવામાં આવતા ટ્રમ્પે કહ્યું કે, હું વધુ કહીશ નહીં કારણ કે તેમની હત્યા થઈ શકે છે. જોકે, ટ્રમ્પ વહીવટીતંત્રની ગાલિબાફ સાથેની વાતચીતના અહેવાલો યુએસ મીડિયામાં ઝડપથી ફેલાતા, ગાલિબાફ પોતે સોશિયલ મીડિયા પર દેખાયા હતા. એક પોસ્ટમાં, તેમણે દાવો કર્યો કે તેમણે કોઈની સાથે વાત કરી નથી.
આ પણ વાંચોઃ આંખોને લાગતા થાકને આ સરળ ટિપ્સથી તુરંત આપો રાહત