ઇટલી પોલીસે પરિસ્થિતિને કાબૂમાં લેવા માટે ટીયર ગેસ અને પાણીનો મારો ચલાવી રહી છે. જ્યોર્જિયો મેલોનીએ હિંસાની નિંદા કરી અને સુરક્ષા દળોની પ્રશંસા કરી હતી.
વિરોધીઓ અને પોલીસ વચ્ચે અથડામણ
ઇટાલીમાં વધતી મોંઘવારી, બળતણના ભાવ અને સંરક્ષણ બજેટમાં વધારા સામે વિરોધ પ્રદર્શનો ચાલુ છે. રોમ, બોલોગ્ના અને તુરિન સહિત અનેક શહેરોમાં મોટી સંખ્યામાં લોકો રસ્તા પર ઉતરી આવ્યા હતા. કેટલીક જગ્યાએ વિરોધીઓ અને પોલીસ વચ્ચે અથડામણ થઈ હતી. પરિસ્થિતિને કાબુમાં લેવા માટે પોલીસે ટીયર ગેસ અને પાણીના તોપનો ઉપયોગ કર્યો હતો. રોમમાં વિરોધીઓ પિયાઝા ડેલા રિપબ્લિકાથી યુદ્ધ વિરોધી કૂચ માટે નીકળ્યા હતા. સાંજ સુધીમાં, શહેરમાં પરિસ્થિતિ તંગ બની હતી.
બોલોગ્નામાં અનેક લોકો ઘાયલ
બોલોગ્નામાં પ્રદર્શનો દરમિયાન પોલીસ અને વિરોધીઓ વચ્ચે અથડામણ થઈ હતી. ઇટાલિયન અખબાર કોરીએર ડેલા સેરા અનુસાર, કટોકટી તબીબી સેવાઓને મદદ માટે 17 કોલ મળ્યા હતા. છ લોકોને એમ્બ્યુલન્સ દ્વારા હોસ્પિટલમાં લઈ જવામાં આવ્યા હતા. તુરિનમાં, પ્રદર્શનકારીઓએ લશ્કરી ખર્ચ અને બળતણના ભાવમાં વધારો થવાનો વિરોધ કર્યો. કેટલાક લોકોએ પોલીસ પર બોટલ અને ફટાકડા ફેંક્યા, જેના કારણે પોલીસે ટીયર ગેસનો ઉપયોગ કર્યો હતો.
જ્યોર્જિયો મેલોનીએ પોલીસની પ્રશંસા કરી
જ્યોર્જિયો મેલોનીએ સોશિયલ મીડિયા પ્લેટફોર્મ X પર એક પોસ્ટમાં પોલીસ અને સુરક્ષા દળોનો આભાર માન્યો હતો. તેમણે જણાવ્યું હતું કે, હિંસા અને અરાજકતાના પ્રયાસો વચ્ચે સુરક્ષા કર્મચારીઓએ નાગરિકોની સલામતી સુનિશ્ચિત કરવા માટે કામ કર્યું છે. મેલોનીએ સ્પષ્ટતા કરી કે શાંતિપૂર્ણ વિરોધ એ નાગરિકનો અધિકાર છે અને તેનું હંમેશા રક્ષણ થવું જોઈએ. વધુમાં, સામાન્ય લોકોને તેમના શહેરોમાં ભય વિના રહેવાનો અને કામ કરવાનો અધિકાર હોવો જોઈએ. તેમણે જણાવ્યું હતું કે હિંસા ભડકાવનારા અને જાહેર વ્યવસ્થાને ખલેલ પહોંચાડનારાઓ માટે કોઈ સ્થાન હોવું જોઈએ નહીં.
આ પણ વાંચોઃ જ્યોર્જિયામાં જર્મન કાર નિર્માતા ઔડી સ્થાપશે $4.2 બિલિયનનો પ્લાન્ટ, 4,500 યુવાનોને મળશે નોકરી