અત્યાર સુધી, એવું માનવામાં આવતું હતું કે માનવ કલા અને સર્જનાત્મક વિચારસરણી યુરોપમાં ઉદ્ભવી હતી. પરંતુ હવે ચિત્ર બદલાયુ છે.
પ્રાચીન ગુફાના ચિત્રોથી બદલાયો ઇતિહાસ
મુસ્લિમ દેશ ઇન્ડોનેશિયાના ગાઢ જંગલોમાં મળી આવેલી પ્રાચીન ગુફા ચિત્રે ઇતિહાસ બદલ્યો છે. વૈજ્ઞાનિકોના મતે, ઇન્ડોનેશિયામાં મળેલી આ હાથની છાપ વિશ્વની સૌથી જૂની જાણીતી કલા છે. જે અંદાજે 67,800 વર્ષ જૂની છે. આ શોધે યુરોપમાંથી વિશ્વની સૌથી જૂની કલાનો તાજ છીનવી લીધો છે. આ નોંધપાત્ર શોધ ઇન્ડોનેશિયન ટાપુ સુલાવેસી નજીક મુના ટાપુ પર ચૂનાના પથ્થરની ગુફા, લિયાંગ મેટાન્ડુનોમાં થઈ હતી. ગુફાની દિવાલ પર લાલ રંગનું છાપું મળી આવ્યું હતું. જે માનવે દિવાલ પર હાથ રાખીને અને તેના મોંમાંથી ઓચર રંગ ફૂંકીને બનાવ્યું હતું.
67,800 વર્ષ જુના ચિત્રો મળી આવ્યા
વૈજ્ઞાનિકો કહે છે કે આ ચિત્ર ઓછામાં ઓછું 67,800 વર્ષ જૂનું છે. અગાઉ, સૌથી જૂનું ગુફા કલા રેકોર્ડ સ્પેનથી આવેલા હાથ સ્ટેન્સિલ દ્વારા રાખવામાં આવ્યું હતું. જે લગભગ 66,700 વર્ષ પહેલાંનું હતું. આ ઇન્ડોનેશિયન શોધ લગભગ 1,100 વર્ષ જૂની છે. આ છાપું ફક્ત સામાન્ય નથી. પાછળથી આંગળીઓ લાંબી અને પોઇન્ટેડ દેખાય તે માટે તેમાં ફેરફાર કરવામાં આવ્યો હતો. જેનાથી હાથને પંજા જેવો દેખાવ મળ્યો. આ શોધ એ ખ્યાલને પડકારે છે કે કલા અને અમૂર્ત વિચારસરણી ફક્ત યુરોપમાં ઉદ્ભવી હતી અને ત્યાંથી બાકીના વિશ્વમાં ફેલાયેલી હતી.
ઉંમર કેવી રીતે થાય છે નક્કી ?
કળાની ઉંમર નક્કી કરવા માટે, વૈજ્ઞાનિકોએ ગુફાની દિવાલો પર કેલ્શિયમ કાર્બોનેટના સ્તરોનું વિશ્લેષણ કર્યું હતુ. આ સ્તરો ચિત્રો પર બનાવવામાં આવ્યા હતા. જે દર્શાવે છે કે તે તેમના કરતા જૂના છે. સંશોધકો હવે આ વિસ્તારમાં વધુ ખોદકામ કરવા માંગે છે. તેઓને આશા છે કે વધુ પ્રાચીન કલાકૃતિઓ શોધી કાઢવામાં આવશે. જે માનવ ઇતિહાસની આપણી સમજને વધુ ગાઢ બનાવશે.
આ પણ વાંચોઃ Bangladesh Election 2026 News: તારિક રહમાને ભારત અને પાકિસ્તાનથી કર્યુ અંતર, ચૂંટણી પ્રચાર કર્યો શરુ