આ યુદ્ધમાં સાઉદી અરેબિયાને $5 બિલિયનથી વધુનું નુકસાન થયું છે.
ઊર્જા અને પર્યટન આવકમાં નુકસાન
ઈરાન યુદ્ધમાં સીધી રીતે સામેલ ન હોવા છતાં UAE અને સાઉદી અરેબિયાને મધ્ય પૂર્વમાં સૌથી વધુ નુકસાન થયું છે. આ યુદ્ધને કારણે સાઉદી અરેબિયાને ઓછામાં ઓછા $5 બિલિયનનું નુકસાન થયું છે. મુખ્યત્વે ઊર્જા અને પર્યટન આવકમાં ભારે નુકસાન થયુ છે. UAEને પણ અત્યાર સુધીમાં આશરે $5 બિલિયનનું નુકસાન થયું છે. આ બે દેશો પછી, કતાર અને ઇરાકને સૌથી વધુ નુકસાન થયું છે. જોકે ઇરાક ખાડી દેશ નથી.
તેલ કંપની થઇ ગઇ બંધ
ઈરાન યુદ્ધને કારણે ગલ્ફ દેશોને $15.1 બિલિયન ઊર્જા આવકનું નુકસાન થયું છે. સાઉદી અરેબિયાને સૌથી વધુ નુકસાન થયું છે. $4.5 બિલિયન. યુદ્ધને કારણે સાઉદી અરેબિયાની સૌથી મોટી તેલ કંપની, Aramco બંધ થઈ છે.
1. સાઉદી અરેબિયાને $4.5 બિલિયન ઊર્જા આવકનું નુકસાન થયું છે. તેવી જ રીતે, કતારને $0.5 બિલિયનનું નુકસાન થયું છે. હોર્મુઝ સ્ટ્રેટ બંધ થવાને કારણે કુવૈત, બહેરીન અને યુએઈને ઊર્જા આવકમાં આશરે $10 બિલિયનનું નુકસાન થયું છે. ખાડી દેશો સમગ્ર વિશ્વમાં ઊર્જા નિકાસ કરે છે.
2. ઈરાન યુદ્ધને કારણે ખાડી દેશ યુએઈમાં સૌથી વધુ નાગરિક જાનહાનિ થઈ છે. અત્યાર સુધીમાં, યુએઈમાં 12, કુવૈતમાં 8, બહેરીનમાં 2 અને સાઉદી અરેબિયામાં 2 નાગરિકોના મોત થયાના અહેવાલ છે. આ યુદ્ધમાં કોઈ કતારી નાગરિકનો જીવ ગયો નથી. 59 ઈરાકી નાગરિકો માર્યા ગયા છે.
3. ઈરાન યુદ્ધે પણ પર્યટન ઉદ્યોગને નોંધપાત્ર નુકસાન પહોંચાડ્યું છે. યુએઈને સૌથી વધુ નુકસાન થયું છે, $2.5 બિલિયન. તેવી જ રીતે, સાઉદી અરેબિયાને પણ $2 બિલિયનનું નુકસાન થયું છે, ત્યારબાદ કતાર જેવા દેશોનો ક્રમ આવે છે.
યુએસએ યુદ્ધ પર કેટલો ખર્ચ ?
યુએસ ડિપાર્ટમેન્ટ ઓફ ડિફેન્સ, પેન્ટાગોનના અંદાજ મુજબ, યુએઈએ યુદ્ધના પહેલા 10 દિવસમાં દારૂગોળામાં $11 બિલિયન ખર્ચ્યા છે. અમેરિકા ઇઝરાયલ સાથે મળીને ઇરાન પર હુમલો કરી રહ્યું છે. ઇઝરાયલે કેટલો દારૂગોળો ખર્ચ્યો છે તેનો ચોક્કસ જથ્થો હજુ સુધી જાહેર કરવામાં આવ્યો નથી. અમેરિકા અને ઇઝરાયલી હુમલામાં બે હાજારથી વધુ ઇરાની નાગરિકો માર્યા ગયા છે. આ યુદ્ધમાં ઇરાનના સુપ્રીમ લીડર, આયાતુલ્લાહ અલી ખામેનેઇની અને 40 ટોચના કમાન્ડરો માર્યા ગયા છે.
આ પણ વાંચોઃ ભારતના ખાડી દેશ સાથેના સારા સંબંધો ભારતીય વિદ્યાર્થીઓની વાપસી દરમિયાન થયા મદદરૂપ