ભારતે આ બાબતને ગંભીરતાથી લીધી છે અને ઓસ્ટ્રેલિયન અધિકારીઓ સમક્ષ ઉઠાવી છે અને પ્રતિમા પરત કરવા કહ્યુ છે.
તાત્કાલિક કાર્યવાહી કરવાની માંગ
ઓસ્ટ્રેલિયાના મેલબોર્નમાં મહાત્મા ગાંધીની 426 કિલોગ્રામની કાંસાની પ્રતિમા ચોરાઈ ગઈ છે. આ પ્રતિમા ઓસ્ટ્રેલિયન ઇન્ડિયન કોમ્યુનિટી સેન્ટરની બહાર સ્થાપિત કરવામાં આવી હતી અને ભારતીય સમુદાય માટે સાંસ્કૃતિક, ઐતિહાસિક અને પ્રતીકાત્મક મહત્વ ધરાવે છે. આ ઘટનાથી ભારતીય-ઓસ્ટ્રેલિયન સમુદાયમાં ચિંતા અને આક્રોશ ફેલાયો છે. ભારતે આ બાબતને ગંભીરતાથી લીધી છે અને ઓસ્ટ્રેલિયન અધિકારીઓ સમક્ષ ઉઠાવી છે અને પ્રતિમા પરત કરવા અને જવાબદારોને ઓળખવા માટે તાત્કાલિક કાર્યવાહી કરવાની માંગ કરી છે.
ચોરીની સખત નિંદાઃ વિદેશ મંત્રાલય
વિદેશ મંત્રાલયના અધિકારી અને સત્તાવાર પ્રવક્તા રણધીર જયસ્વાલે જણાવ્યું હતું કે, અમે ગાંધી પ્રતિમાના વિનાશ અને ચોરીની સખત નિંદા કરીએ છીએ. આ પ્રતિમા મેલબોર્નના રોવિલેમાં ઓસ્ટ્રેલિયન ઇન્ડિયન કોમ્યુનિટી સેન્ટરમાં સ્થાપિત કરવામાં આવી હતી." અમે ઓસ્ટ્રેલિયન અધિકારીઓને આ ચોરીની તાત્કાલિક તપાસ કરવા, પ્રતિમા પરત કરવા અને ગુનેગારોને ન્યાય અપાવવા વિનંતી કરી છે.
પ્રતિમાની કરાઇ તોડફોડ
આ પ્રતિમા ઓસ્ટ્રેલિયાને નવી દિલ્હી સ્થિત ઇન્ડિયન કાઉન્સિલ ફોર કલ્ચરલ રિલેશન્સ દ્વારા ભેટમાં આપવામાં આવી હતી. તેનું ઉદ્ઘાટન 12 નવેમ્બર 2021ના રોજ ઓસ્ટ્રેલિયાના તત્કાલીન પીએમ સ્કોટ મોરિસને કર્યુ હતું. ઉદ્ઘાટનના 24 કલાકની અંદર, અજાણ્યા વ્યક્તિઓએ પ્રતિમાની તોડફોડ કરી હતી. આ ઘટના સોમવારે બપોરે 12:50 વાગ્યાની આસપાસ બની હતી. મેલબોર્ન પોલીસના જણાવ્યા અનુસાર, ત્રણ ગુનેગારોએ પ્રતિમાને તેના પાયાથી કાપવા માટે એંગલ ગ્રાઇન્ડરનો ઉપયોગ કર્યો હતો.
આ પણ વાંચોઃ Americaની Ankita Patelએ સાંઈ બાબાને ₹1 કરોડનો સોનાનો મુગટ કર્યો અર્પણ