યુએસ જીઓલોજિકલ સર્વે અને જર્મનીના જીઓસાયન્સ રિસર્ચ સેન્ટરે ભૂકંપની તીવ્રતા 5.9 નોંધી છે. બંને એજન્સીઓ અનુસાર, ભૂકંપનું કેન્દ્રબિંદુ 50 કિલોમીટરથી વધુ ઊંડાઈએ હતું.
સુનામીની ચેતવણી જારી
ભૂકંપનું કેન્દ્રબિંદુ તે અનાઉ શહેરથી લગભગ 40 કિલોમીટર ઉત્તરમાં હતું, જે પ્રખ્યાત પર્યટન સ્થળ ફિઓર્ડલેન્ડનું પ્રવેશદ્વાર માનવામાં આવે છે. ગુરુવારે ભારતના ગુજરાતના કચ્છ જિલ્લામાં પણ ત્રણ મિનિટમાં બે ભૂકંપના આંચકા અનુભવાયા હતા. ન્યુઝીલેન્ડના દક્ષિણ ટાપુ પર રિક્ટર સ્કેલ પર 6.3ની તીવ્રતાનો ભૂકંપ આવ્યો હતો. અધિકારીઓએ સુનામીની ચેતવણી જારી કરી છે.
ગુજરાતમાં ત્રણ મિનિટમાં બે ભૂકંપના આંચકા
દરમિયાન, ગુરુવારે ભારતના ગુજરાતના કચ્છ જિલ્લામાં ત્રણ મિનિટમાં બે ભૂકંપના આંચકા અનુભવાયા. ગાંધીનગર સ્થિત સિસ્મોલોજીકલ રિસર્ચ ઇન્સ્ટિટ્યૂટ (ISR) ના જણાવ્યા અનુસાર, બપોરે 2:20 વાગ્યે પહેલો ભૂકંપ 3.6 ની તીવ્રતાનો હતો, જેનું કેન્દ્ર ખાવડાથી 32 કિલોમીટર ઉત્તરપૂર્વમાં હતું. ત્રણ મિનિટ પછી, બપોરે 2:23 વાગ્યે, 3.2 ની તીવ્રતાનો બીજો ભૂકંપ આવ્યો, જેનું કેન્દ્ર ધોળાવીરાના 32 કિલોમીટર ઉત્તરપશ્ચિમમાં હતું.
કોઇ જાનહાનિ નહી
હાલમાં, કચ્છમાં ભૂકંપથી કોઈ નુકસાન કે જાનહાનિના અહેવાલ નથી. સ્થાનિક વહીવટીતંત્ર પરિસ્થિતિ પર નજર રાખી રહ્યું છે.
આ પણ વાંચોઃ પાકિસ્તાનના ભૂતપૂર્વ ગૃહમંત્રીનો દાવો, કહ્યુ બલુચિસ્તાન અને પશ્તુન વિસ્તારો સરકારના નિયંત્રણમાં નથી